9 ஆண்டுகள் கழித்து ரீ என்ட்ரி கொடுக்கவுள்ள தளபதியின் ‘பூவே உனக்காக’ பட நடிகை…! இப்ப எப்படி இருக்காங்க தெரியுமா…?

தமிழ் சினிமாவின் முன்னணி நட்சத்திரங்களில் ஒருவராக வலம் வருபவர் நடிகர் விஜய். இவரின் வெற்றிப்பயணத்தில் மிகவும் முக்கியமான படங்களில் ஒன்று ‘பூவே உனக்காக’. இத்திரைப்படம் 1996 இல் வெளிவந்து சூப்பர் ஹிட் அடைந்தது. இந்த படம் விஜய்யின் சினிமா பயணத்தில் மிகவும் முக்கியமான படம். இப்படத்தில் பாடல்கள் அனைத்தும் பட்டி தொட்டியெல்லாம் மாபெரும் வரவேற்பை பெற்றிருந்தது.

இந்த திரைப்படத்தில் மாபெரும் ஜாம்பவான்களான நாகேஷ், நம்பியார், விஜயகுமாரி, சுகுமாரி என பல பிரபலங்கள் நடித்திருந்தனர். மேலும் இந்த படத்தில் கதாநாயகியாக நடிகை சங்கீதா நடித்திருந்தார். துறுதுறுவென, சேட்டைக்கார பெண்ணாக நடித்த அவர் இப்படத்தின் மூலம் ஏராளமான ரசிகர்கள் மனதில் நீங்கா இடம் பிடித்தார்‌. ஆரம்பகாலத்தில் சங்கீதா தன்னை விட வயது மிகவும் அதிகமான ஹீரோக்களுடனே ஜோடி சேர்ந்து நடித்துள்ளார்.

இதையடுத்து சங்கீதா பூவே உனக்காக படத்தில் ஒளிப்பதிவாளராக பணிபுரிந்த சரவணன் என்பவரை காதலித்து திருமணம் செய்து கொண்டார். அவர்களுக்கு மகள் உள்ளார்.  திருமணத்திற்கு பிறகு 14 வருடங்கள் நடிக்காமல் இருந்தவர், 2014ல் நகரவர்த்தி நடுவில் நான் என்கிற படத்தில் நடித்தார்.

அந்த ஒரு படத்துடன் மீண்டும் சினிமாவை விட்டு ஒதுங்கியவர் தற்போது ஒன்பது ஆண்டுகள் கழித்து குஞ்சாக்கோ போபன் நடிப்பில் விரைவில் வெளியாக உள்ள ‘சாவேர்’ என்கிற படத்தில் முக்கிய வேடத்தில் நடித்துள்ளார். இதைத்தொடர்ந்து அவர் இனி நடிக்கவிருப்பதாகவும் கூறியுள்ளார். தற்பொழுது இவரின் ரீ என்ட்ரியானது ரசிகர்களை குஷிப்படுத்தியுள்ளது.