வாட்ஸ்அப் மூலம் வலை விரித்த கும்பல்…. பிரபல இந்தி சீரியல் நடிகை விபச்சார வலையில் சிக்கிய பகீர் பின்னணி… அதிரவைக்கும் தகவல்….!

நெல்லை மாவட்டம் பணகுடி அருகேயுள்ள காவல்கிணறு பகுதியில் தனியார் தங்கும் விடுதியில் விபச்சாரம் நடைபெறுவதாகக் கிடைத்த ரகசியத் தகவலின் பேரில், போலீசார் திடீர் சோதனை மேற்கொண்டனர். இந்தச் சோதனையில் கேரளா மற்றும் கரூர் பகுதிகளைச் சேர்ந்த இரண்டு இளம்பெண்கள் மீட்கப்பட்டு காப்பகத்தில் ஒப்படைக்கப்பட்டனர். இவ்வழக்கில் பெண்களை விபச்சாரத்தில் ஈடுபடுத்திய பணகுடியைச் சேர்ந்த விவேக் ஆனந்த் என்பவர் கைது செய்யப்பட்டுள்ள நிலையில், தப்பியோடிய இரு இளைஞர்களை போலீசார் தீவிரமாகத் தேடி வருகின்றனர்.

இதனிடையே, மகாராஷ்டிரா மாநிலம் தானே மாவட்டம் காஷிமீரா பகுதியில், இந்தி சீரியல்கள் மற்றும் வெப் தொடர்களில் வாய்ப்புத் தேடும் பெண்களைக் குறிவைத்து விபச்சாரத்தில் ஈடுபடுத்தும் கும்பல் இயங்கி வருவதாகப் புகார் எழுந்தது. ‘எக்ஸோடஸ் ரோடு இந்தியா ஃபவுண்டேஷன்’ என்ற அமைப்பின் உதவியுடன், போலீசார் சாதாரண வாடிக்கையாளர்கள் போல மாறுவேடத்தில் மிரா-பயந்தர் சாலையில் உள்ள விடுதிக்குச் சென்று அதிரடி சோதனை நடத்தினர்.

இந்தச் சோதனையின்போது, பிரபல இந்தி தொலைக்காட்சி சீரியல்களில் நடிக்கும் 35 வயது நடிகை ஒருவர் அங்கு இருப்பது கண்டுபிடிக்கப்பட்டு மீட்கப்பட்டார். மேலும், சத்தீஸ்கரைச் சேர்ந்த தபசும் என்ற சோனியா உமர் குரேஷி என்ற பெண், வாட்ஸ்அப் மூலம் பெண்களின் புகைப்படங்களை அனுப்பி விபச்சாரத் தொழிலில் ஈடுபடுத்தியது விசாரணையில் அம்பலமானது. இச்சம்பவத்தில் கைதான தபசும் மீது பல்வேறு சட்டப்பிரிவுகளின் கீழ் வழக்குப்பதிவு செய்யப்பட்டுள்ளதுடன், தலைமறைவாக உள்ள அவரது கூட்டாளி ரமேஷ் குமாரை போலீசார் தேடி வருகின்றனர்.

விபச்சார வலையிலிருந்து மீட்கப்பட்ட இந்தி சீரியல் நடிகை, மும்பை காந்திவலியில் உள்ள ரெஸ்க்யூ ஃபவுண்டேஷன் காப்பகத்தில் பாதுகாப்பாகத் தங்க வைக்கப்பட்டுள்ளார். இத்தகைய சட்டவிரோதச் செயல்களில் வேறு யாருக்கெல்லாம் தொடர்பு உள்ளது என்பது குறித்தும், இதன் பின்னணியில் உள்ள வலைப்பின்னல் குறித்த விரிவான விசாரணையையும் காவல்துறையினர் தொடர்ந்து தீவிரமாக மேற்கொண்டு வருகின்றனர்.