சந்தானம் நடிப்பில் பிரேம் ஆனந்த் இயக்கிய டிடி ரிட்டன்ஸ் படம் ரசிகர்களிடையே நல்ல வரவேற்பு பெற்றது. இந்நிலையில் இயக்குனர் ஆனந்த நாராயணன் இயக்கத்தில் சந்தானம் நடிக்கும் படத்திற்கு பெயர் வைக்கப்படவில்லை. இந்த படத்தை கோபுரம் பிலிம்ஸ் அன்புச் செழியன் தயாரிக்கிறார்.
இதற்கு எழிச்சூர் அரவிந்தன் கதை, திரைக்கதை, வசனம் எழுதியுள்ளார். இந்நிலையில் சந்தானத்திற்கு ஜோடியாக பிரியாலயா நடிக்கிறார். இவர் ஜீ தமிழ் தொலைக்காட்சியில் ஒளிபரப்பாகும் செம்பருத்தி சீரியல் ஏற்கனவே கதாநாயகியாக நடித்துள்ளார். சந்தானம் நடிக்கும் அந்த படத்தின் மூலம் பிரியாலயா திரைப்பட கதாநாயகியாக அறிமுகமாகிறார்.
இந்த படத்தில் தம்பி ராமையா, முனிஷ்காந்த், மாறன், விவேக் பிரசன்னா உள்ளிட்டோர் முக்கிய கதாபாத்திரத்தில் நடித்து வருகின்றனர். இந்த படத்திற்கு டி.இமான் இசையமைத்துள்ளார். படத்தின் இடது கட்ட பணிகள் விறுவிறுப்பாக நடைபெற்றுக் கொண்டிருக்கிறது.
படத்தின் தலைப்பு, முதல் தோற்றம், ரிலீஸ் தேதி ஆகியவை விரைவில் அறிவிக்கப்படும் என எதிர்பார்க்கப்படுகிறது. ஏற்கனவே ப்ரியா பவானி சங்கர், வாணி போஜன் ஆகியோர் சின்னத்திரையில் இருந்து வெள்ளி திரைக்கு சென்று பிரபலமானவர்கள் என்பது குறிப்பிடத்தக்கதாகும்.
