தமிழில் ஒருநாள் கூத்து திமிரு புடிச்சவன் டிக் டிக் டிக் பொதுவாக எம்மனசு தங்கம் உள்ளிட்ட படங்களில் நடித்தவர் நிவேதா பெத்துராஜ். சில மாதங்களுக்கு முன்பு தனது திருமண நிச்சயதார்த்த புகைப்படங்களை நிவேதா பெத்துராஜ் தனது வலைதள பக்கத்தில் பதிவிட்டு இருந்தார். வருகிற 2026 ஜனவரியில் முகமது என்ற தொழிலதிபருடன் திருமணம் என்றும் அதில் கூறியிருந்தார். இருதரப்பு பெற்றோர்கள் சம்மதத்துடன் நடக்கும் காதல் திருமணம் என்றும் அவர் அப்போது கூறியிருந்தார்.
அந்த புகைப்படங்களை பார்த்த நெட்டிசன்கள், நிவேதா பெத்துராஜூடன் இருப்பவர் முகமது. இவர் பிக்பாஸ் ஜூலியின் முன்னாள் காதலர் என்ற தகவலை வெளியிட அது பரபரப்பை ஏற்படுத்தியது. இந்நிலையில் சில தினங்களுக்கு முன்பு பிக்பாஸ் ஜூலி தனது நிச்சயதார்த்த புகைப்படங்களை தனது வலைதள பக்கத்தில் வெளியிட்டு இருந்தார். ஆனால் அதில் தனது வருங்கால கணவரின் முகத்தை அவர் காட்டவில்லை.
இந்நிலையில் தற்போது ஜூலியின் முன்னாள் காதலர் முகமதுதான் அவரை திருமணம் செய்யப் போகிறார் என்ற தகவல் வெளியானது. விஜய் டிவியில் வரும் குக் வித் கோமாளி நிகழ்ச்சியின் ஏற்பாட்டாளர் முகமதுதான் ஜூலியின் வருங்கால கணவர் என்றும் கூறப்படுகிறது. இந்த சூழலில், நடிகை நிவேதா பெத்துராஜ் தனது வலைதள பக்கத்தில் முகமதுவுடன் இருந்த நிச்சயதார்த்த புகைப்படங்களை அதிரடியாக நீக்கியுள்ளார். இது தற்போது இணையத்தில் தீயாக பரவி வருகிறது.