CINEMA
48 வயசுல கல்யாணம் ஆகலனாலும் எனக்கு அந்த ஆசை இருக்கு… நடிகை நக்மா ஓபன் டாக்..!!
தமிழ் சினிமாவில் முன்னொருகாலத்தில் கொடி கட்டி பறந்த நடிகை தான் நக்மா. முன்னணி நடிகர்களான ரஜினி,கார்த்திக் மற்றும் சரத்குமார் உள்ளிட்ட நடிகர்களுடன் ஜோடியாக நடித்து புகழ்பெற்றவர். இவர் தமிழில் இறுதியாக அஜித் நடிப்பில் வெளியான சிட்டிசன் திரைப்படத்தில் போலீஸ் அதிகாரியாக நடித்து கலக்கி இருந்தார். பொதுவாக தமிழ் சினிமாவில் மும்பையிலிருந்து நாயகிகளை இறக்குவது போல நடிகை நக்மாவும் ஹிந்தியில் இருந்து தமிழ் சினிமாவில் அறிமுகமானார். இவர் முதன்முதலாக கடந்த 1990 ஆம் ஆண்டு இந்தி திரைப்படம் ஒன்றின் மூலம் பாலிவுட்டில் அடியெடுத்து வைத்தார்.
கிளாமரில் ரசிகர்களை வெகுவாக கவர்ந்த இவர் தெலுங்கிலும் நடிக்க ஆரம்பித்தார். தமிழில் முதன் முதலாக காதலன் என்ற திரைப்படத்தின் மூலம் அறிமுகமானார். இந்தத் திரைப்படத்தில் கவர்ச்சியிலும் நடிப்பிலும் ரசிகர்களை கவர்ந்த இவருக்கு அடுத்தடுத்து பட வாய்ப்புகள் குவிந்தன. பின்னர் ரஜினி நடிப்பில் வெளியான பாட்ஷா திரைப்படத்தில் நடித்து பட்டி தொட்டி எல்லாம் பிரபலமானார். அதேசமயம் நக்மாவின் தங்கையாக அறிமுகமான ஜோதிகா தமிழ் சினிமாவை தன் வசம் படுத்தினார். தமிழில் பட வாய்ப்புகள் குறைந்த நிலையில் நக்மா, சினிமா நிகழ்ச்சிகளில் மட்டும் பங்கேற்று வருகிறார்.
இந்நிலையில் 48 வயதாகும் நக்மா இதுவரை திருமணம் செய்து கொள்ளாமல் உள்ளார். இது தொடர்பாக இவர் சமீபத்தில் அளித்த பேட்டியில், எனக்கு திருமணம் செய்யவே கூடாது என்ற எண்ணமெல்லாம் கிடையாது. சொல்லப்போனால் திருமணம் செய்து குடும்பம் மற்றும் குழந்தைகள் என வாழ்வதற்கு ஆசை உள்ளது. அப்படியே ஏதாவது நடக்கிறதா என்பதை பொறுத்திருந்து பார்ப்போம். இருந்தாலும் திருமணம் செய்து கொள்ளாமல் நான் மகிழ்ச்சியாக தான் உள்ளேன் என்னுடைய வாழ்க்கையில் மகிழ்ச்சியை குறைவில்லாமல் உள்ளது என்று நக்மா கூறியுள்ளார்.
