தமிழ் சினிமாவில் ஒரு சில திரைப்படங்களில் மட்டும் நடித்த ரசிகர்களின் மனதில் நீங்காத இடத்தைப் பிடித்தவர் நடிகை மும்தாஜ். இவர் 90 காலகட்டத்தில் ரசிகர்களின் கனவு கன்னியாக வலம் வந்தார். இவர் தமிழ் சினிமாவில் முதன்முதலாக டி ராஜேந்திரன் இயக்கத்தில் வெளியாகிய ‘மோனிஷா என் மோனலிசா’ என்ற திரைப்படத்தில் மோனிஷா என்ற கதாபாத்திரத்தில் அறிமுகமானார். இதனைத் தொடர்ந்து உனக்காக எல்லாம் உனக்காக, பட்ஜெட் பத்மநாபன், குஷி, லூட்டி, சொன்னால்தான் காதலா, ஸ்டார், வேதம் என பல திரைப்படங்களில் நடித்துள்ளார்.
தமிழ் மட்டுமல்லாமல் தெலுங்கு திரைப்படங்களிலும் இவர் நடித்துள்ளார். அதிலும் குறிப்பாக விஜயுடன் ‘குஷி’ திரைப்படத்தில் ‘கட்டிப்புடி கட்டிப்புடிடா’ என்ற பாடலுக்கு நடனமாடி இளசுகளை ஒருவழி செய்தார். இந்த பாடல் இவருக்கு மிகப்பெரிய பிரபலத்தை ஏற்படுத்தி தந்தது. இவர் நடிப்பில் இறுதியாக 2009இல் ‘ராஜாதி ராஜா’ என்ற திரைப்படம் வெளியானது. இந்த திரைப்படத்தில் இவர் வில்லி கதாபாத்திரத்தில் நடித்து கலக்கி இருந்தார். இதைத் தொடர்ந்து விஜய் டிவியில் ஒளிபரப்பான ‘பிக் பாஸ் 2’ நிகழ்ச்சியில் கலந்து கொண்டு பிரபலமானார்.
தற்பொழுது நடிகை மும்தாஜ் முழுவதுமாக இஸ்லாத்தை ஏற்றுக் கொண்டு ஹஜ்ஜுக்கு சென்று வந்து முழு இஸ்லாமிய பெண்ணாக மாறியுள்ளார். சினிமாவில் நடிப்பதையே நிறுத்திவிட்டார். மேலும் எப்பொழுதும் புர்கா மற்றும் இஸ்லாமிய உடையிலும் காணப்படுகிறார்.இந்நிலையில் சமீபத்தில் பேட்டி ஒன்றில் கலந்து கொண்ட அவர் தான் சினிமாவை விட்டு விலகியதற்கான காரணத்தை கூறியிருந்தார். அதில் அவர் கூறியுள்ளதாவது, ‘ நான் ஒரு இஸ்லாமிய குடும்பத்தில் பிறந்தேன். எனக்கு குர்ஆன் பற்றி நன்றாக தெரியும். ஆரம்பத்தில் குர்ஆனில் சொல்லப்பட்டிருக்கிற விஷயத்தின் அர்த்தம் தெரியாமலே இருந்தேன்.
ஆனால் ஒரு கட்டத்தில் அது புரிய ஆரம்பித்தபோது எனக்குள் மெல்ல மெல்ல மாற்றம் தொடங்கியது. அதன் காரணமாக தான் நான் சினிமாவில் இனி இருக்க மாட்டேன் என்று முடிவு எடுத்தேன். நான் சினிமாவை கைவிடுவதற்கு அல்லாஹ் தான் காரணம். ஒருநாள் வீட்டில் அமர்ந்திருக்கும் போது நானே என்னை அறியாமல் என் உடையை சரி செய்தேன். வெளியே செல்லும்போது கண்ணியமாக உடை அணிந்தேன். சினிமாவில் நீச்சல் உடை அணிந்து நடித்த ஒருத்தி இப்படிப்பட்ட உடை அணிவது நிச்சயம் எல்லோருக்கும் வித்தியாசமாகத்தான் இருக்கும்.’ என்று மனம் திறந்து பேசியிருந்தார் மும்தாஜ்.