ஒரு கட்டத்தில் சினிமாவில் பெண்களுக்கு அந்த தொல்லை அதிகமானது.. அதனால்தான் நிறைய பேர்… குட்டி பத்மினி பகிர்ந்த தகவல்!

தமிழ் சினிமாவில் குழந்தை நட்சத்திரமாக கமல்ஹாசன், ஸ்ரீதேவி அளவுக்குக் கலக்கியவர் குட்டி பத்மினி. எம் ஜி ஆர், சிவாஜி படங்களில் சுட்டித்தனமானக் குழந்தையாக நடித்த அவர் அப்போதே வெகு பிரபலம். எம் ஜி ஆரோடு உலகம் சுற்றும் வாலிபன் படத்தில் கதாநாயகியாக நடிக்க வந்த வாய்ப்பையும் மறுத்துள்ளார் அவர்.

அதன் பின்னர் வளர்ந்தபின்னர் அவர் நடிப்பில் கவனம் செலுத்தாமல் தயாரிப்பில் இறங்கினார். அதிலும் திரைப்படங்களைத் தயாரிக்காமல், சீரியல்களை அதிகமாகத் தயாரித்தார். இதுவரை 100க்கும் மேற்பட்ட சீரியல்களை தமிழ், தெலுங்கு மற்றும் இந்தியில் தயாரித்துள்ள அவர் சீரியல் துறையில் ஒரு சாதனையாளராகக் கருதப்படுகிறார்.

இந்நிலையில் அவர் சமீபத்தில் அளித்த நேர்காணலில் ஏன் குழந்தை நட்சத்திரமாக அவர் வெற்றிகரமாக இருந்தபோதும், கதாநாயகியாக பெரியளவில் வரவில்லை என்ற கேள்வி எழுப்பப்பட்டது. அதற்கு அவர் அளித்த பதில் “ஒரு கட்டத்தில் சினிமா ஸ்டுடியோக்களின் கட்டுப்பாட்டில் இருந்து விநியோகஸ்தர்கள், ஹீரோக்கள் கட்டுப்பாட்டில் வந்தது. அப்போது நடிகைகள் பல தொல்லைகளுக்கு ஆளாகினர்.

ஸ்ரீதேவி எல்லாம் எவ்வளவு தொல்லைகளை அனுபவித்தார் என்பது எனக்குத் தெரியும். அதனால் ஒரு கட்டத்தில் பலரும் சினிமாவில் நடிக்கும் ஆசையை கைவிட்டார்கள். என்னைப் பொறுத்தவரை நான் மிக இளம் வயதிலேயே திருமணம் செய்துகொண்டேன். குழந்தைகளும் பிறந்தனர். அதனால் நான் நடிப்பை விட்டு தயாரிப்புப் பக்கம் கவனம் செலுத்தினேன்.

ஆனால் இப்போது சூழல் மாறியுள்ளது. இப்போது நடிக்க வரும் பெண்கள் எல்லாம் பணக்காரப் பின்னணியில் இருந்து வருவதால் அவர்களை அப்ரோச் செய்யப் பயப்படுகிறார்கள்” எனக் கூறியுள்ளார்.