CINEMA
நடிகை கீர்த்தி சுரேஷின் புது படத்தில் நடிக்கும் vj ரக்ஷன்… வைரலாகும் படத்தின் பூஜை புகைப்படங்கள்…
தமிழ் சினிமாவில் முன்னணி நடிகைகளில் ஒருவர் கீர்த்திசுரேஷ். விஜய், விஷால், சிவகார்த்திகேயன் என தமிழ் சினிமாவின் முன்னணி நடிகர்களுடன் ஜோடி சேர்ந்து நடித்துவிட்டார். ஆடல், பாடல், கவர்ச்சி என்று மட்டும் இல்லாமல் நடிப்புக்கு முக்கியத்துவம் தரும் கதைகளை தேர்வு செய்து நடித்து வருகிறார் கீர்த்தி சுரேஷ்.
இவர் நடித்த மகாநடிகை திரைப்படம் ரசிகர்கள் மட்டும் இல்லாது சினிமா துறையினரையும் ஆச்சரியப்பட வைத்தது. அந்த அளவிற்கு தத்ரூபமாக நடித்திருந்தார் கீர்த்தி சுரேஷ்.
சமீபத்தில் இவர் நடிப்பில் தெலுங்கில் வெளியான தசரா மற்றும் தமிழில் வெளியான ‘மாமன்னன் ‘ ஆகிய படங்கள் சூப்பர் டூப்பர் ஹிட் அடித்தது.
இதைதொடர்த்து, தற்போது கீர்த்தி சுரேஷ் தமிழில் கதையின் நாயகியாக நடிக்க உள்ள படத்தின் பூஜை இன்று போடப்பட்டுள்ளது. ‘கண்ணிவெடி’ என பெயரிடப்பட்டுள்ள இந்த படத்தை, கணேஷ் ராஜ் என்பவர் எழுதி – இயக்க உள்ளார். எஸ்.ஆர்.பிரகாஷ் பாபு மற்றும் எஸ்.ஆர்.பிரபு இந்த படத்தை தயாரிக்க உள்ளனர்.
இந்த படத்தில் நமீதா கிருஷ்ணா மூர்த்தி, விஜய் டிவி தொகுப்பாளர் ரக்ஷன் ஆகியோர் முக்கிய கதாபாத்திரத்தில் நடிக்க உள்ளனர். விரைவில் இப்படத்தில் நடிக்க உள்ள மற்ற நடிகர் நடிகைகள் மற்றும் தொழில்நுட்ப கலைஞர்கள் பற்றிய அறிவிப்பு வெளியாகும் என எதிர்பார்க்கப்படுகிறது.
தற்பொழுது இத்திரைப்படத்தின் பூஜை புகைப்படங்களும், வீடியோக்களும் இணையத்தில் வெளியாகி வைரலாகி வருகிறது. இதோ அந்த வீடியோ…
View this post on Instagram