மறைந்த நடிகை ஸ்ரீதேவியின் மூத்த மகள் ஜான்வி கபூர். இவர் ஹிந்தி திரைப்படங்களில் கதாநாயகியாக நடித்து வருகிறார். மேலும் தெலுங்கு படத்தில் நடிக்கவும் ஜான்வி கபூர் ஒப்பந்தம் ஆகியுள்ளார். அடுத்ததாக தமிழ் படத்தில் நடிக்கவும் கதை கேட்டு வருவதாக கூறப்படுகிறது. தற்போது ஜான்வி கபூருக்கு 26 வயது ஆகிறது.
சமீபத்தில் ஜான்வி கபூர் அளித்த பேட்டியில், பிரபலத்தின் வீட்டு குழந்தையாக வளர்வது மிகவும் கஷ்டம். சிறுவயதில் எனது புகைப்படங்களை மார்பிங் செய்து ஆபாச இணையதளங்களில் வெளியிட்டு நடிகையாக அறிமுகமாக போகிறார் என குறிப்பிட்டுள்ளனர். அது பற்றி தெரிந்ததும் நான் அதிர்ச்சியடைந்தேன். என்னுடன் படித்தவர்கள் அதை பார்த்து கேலி செய்தார்கள்.
என்னை ஒதுக்கியும் வைத்தார்கள். அது என்னை மிகவும் வேதனைப்படுத்தியது. டெக்னாலஜி வளரும் இன்றைய காலகட்டத்தில் மார்பிங்க் புகைப்படங்கள் சாதாரணமாகிவிட்டது. ஆனாலும் சிலர் மார்பிங் புகைப்படங்களை உண்மைதான் என்று நினைத்து கொள்கின்றனர் என கூறியுள்ளார்.
