கசந்த 14 வருட திருமண வாழ்க்கை.. காதல் கணவரை விவாகரத்து செய்த விஜய் பட நடிகை… கடும் அதிர்ச்சியில் ரசிகர்கள்…

இயக்குனர் அகத்தியன் இயக்கத்தில் உருவான ‘காதல் கவிதை’ என்ற திரைப்படத்தில் ஜோதி என்ற கேரக்டரில் நடிகை இஷா கோபிகர் தமிழ் சினிமாவில் அறிமுகம் ஆனார். இந்த படம் முழுவதும் ஒரு கவிதை மாதிரி இருக்கும். பிரசாந்த் மற்றும் இஷா கோபிகர் போட்டி போட்டுக் கொண்டு நடித்திருப்பார்கள். இதனை அடுத்து அரவிந்த்சாமி நடித்த ‘என் சுவாச காற்றே’ என்ற திரைப்படத்தில் நாயகியாக இஷா கோபிகர் நடித்தார். இந்த இரண்டு படங்களுமே ரசிகர்கள் மத்தியில் நல்ல வரவேற்பை பெற்றது.

அடுத்ததாக அவர் விஜய் உடன் ‘நெஞ்சினிலே’, விஜயகாந்த் உடன் ‘நரசிம்மா உள்ளிட்ட பல படங்களில் நடித்துள்ளார். அதன்பின்பு இந்தியில் நடிக்க சென்றுவிட்டார். மிகவும் பிஸியாக இருந்த இவர் திருமணத்திற்கு பிறகு நடிப்பிலிருந்து சற்று தள்ளி இருந்தார்.  ஹிந்தியில் அவர் பல வெற்றி படங்களை கொடுத்தார். 2001 ஆம் ஆண்டிலிருந்து 2011 ஆம் ஆண்டு வரை சுமார் 11 ஆண்டுகள் அவர் பல படங்களில் ஹிந்தியில் நடித்தார்.

இந்த நிலையில் கிட்டத்தட்ட 22 ஆண்டுகள் கழித்து தற்போது தமிழில் சிவகார்த்திகேயன் நடித்து வரும் ’அயலான்’ திரைப்படத்தில் நடித்து முடித்துள்ளார். நடிகை இஷா, தொழில் அதிபரான டிம்மி நரங்க் என்பவரை  2009ல்  திருமணம் செய்து கொண்டார். பாலிவுட்டின் க்யூட் தம்பதிகளில் ஒருவராக வலம் வந்த இவர்களுக்கு ஒரு அழகான மகளும் உள்ளார். தற்பொழுது இஷா கோபிகருக்கும், டிம்மிக்கும் இடையே கருத்து வேறுபாடு ஏற்பட்டதாகவும்,  இதையடுத்து  விவாகரத்து கோரி கடந்த மாதம் நீதிமன்றத்தை அணுகியதாகவும் கூறப்படுகிறது.

இந்த செய்தி குறித்து இஷா கோபிகர் கூறியதாவது, ‘இது குறித்து நான் எதுவும் சொல்ல விரும்பவில்லை. எனக்கு பிரைவசி தேவை. புரிந்து கொள்ளுங்கள்’. என்று கூறியுள்ளார். இவரது கணவர் டிம்மி நரங்கை தொடர்புகொள்ள முடியவில்லை என்று கூறப்படுகிறது. தற்பொழுது சந்தோசமாக வாழ்ந்து கொண்டிருந்த நடிகை இஷா கோபிகர் வாழ்வில் விவாகரத்தா? என்னாச்சு இவர்களுக்கு? என ரசிகர்கள் கடுமையான அதிர்ச்சியில் உள்ளனர்.