ஒரு காலத்தில் தமிழ் மற்றும் தெலுங்கில் முன்னணி நடிகையாக திகழ்ந்தவர் தான் நடிகை அனுஷ்கா. அது மட்டுமல்லாமல் இளசுகளின் கனவு கன்னியாக இருந்த இவரை தற்போது திரைப்படங்களில் பார்ப்பது என்பது அரிதான ஒன்றாகி விட்டது. இவர் பாகுபலி திரைப்படத்தில் தேவசேனா கதாபாத்திரத்தில் நடித்து ஒட்டுமொத்த ரசிகர்களையும் கவர்ந்தார். பெண்களுக்கு முக்கியத்துவம் தரும் கதைக்களத்தை தேர்வு செய்து நடித்து வந்த அனுஷ்கா அருந்ததி, பாகுபலி உள்ளிட்ட பல திரைப்படங்களில் நடித்து தமிழ் ரசிகர்களை கட்டி போட்டார். இவருக்கென மிகப் பெரிய ரசிகர்கள் கூட்டம் உள்ளது.
ஒரு கட்டத்தில் தமிழில் பட வாய்ப்புகள் குறைய தெலுங்கு சினிமா பக்கம் சென்ற அனுஷ்கா சில காலம் அங்கு பயணித்தார். இதன் பிறகு இவருக்கு தெலுங்கு மற்றும் தமிழ் சினிமாவில் வாய்ப்புகள் அப்படியே குறைந்துவிட்டது. தற்போது உடல் எடை கூடி ஆள் அடையாளம் தெரியாத அளவிற்கு மாறி உள்ளதால் இவருக்கு பட வாய்ப்புகள் கிடைக்கவில்லை. இஞ்சி இடுப்பழகி திரைப்படத்திற்காக தனது உடல் எடையை கூட்டிய அனுஷ்காவால் அதன் பிறகு உடல் எடையை குறைக்க முடியவில்லை. கடந்த சில வருடங்களாக உடல் எடையை குறைக்கும் முயற்சியில் இருந்து வரும் நிலையில் படங்களில் நடிப்பதை குறைத்துக் கொண்டார்.
இந்நிலையில் சமீபத்தில் பேட்டி ஒன்றில் பேசிய அவர், நான் 6ஆம் வகுப்பு படிக்கும்போது, என் வகுப்பில் இருந்து ஒரு பையன் என்னிடம் வந்து காதலிப்பதாக சொன்னான். காதல் என்னவென்றே புரியாத வயது அது. நானும் சரி என்று ஏற்றுக்கொண்டேன். என் வாழ்க்கையில் ஒரு இனிமையான நினைவாகவே இன்றும் உள்ளது ” என்று கூறியுள்ளார்.