என்னப்பா சொல்றீங்க..?  தனுஷ் படத்தில் ஹீரோயினாக நடிகை அனிகா- வா..? இதெல்லாம் உங்களுக்கே ஓவரா தெரியல..

தமிழ் சினிமாவின் முன்னணி நடிகர்களில் ஒருவர் நடிகர் தனுஷ். தமிழ் மட்டுமின்றி தெலுங்கு, இந்தி மற்றும் ஆங்கிலம் என பல மொழிகளில் நடித்து வருகிறார். தற்பொழுது தனுஷ் தமிழில் நடித்து வரும் ‘கேப்டன் மில்லர்’ ரசிகர்கள் மத்தியில் மிகுந்த ஆவலை ஏற்படுத்தியுள்ளது. இயக்குனர் அருண் மாதேஸ்வரன் இயக்கத்தில் தனுஷ் கேங்ஸ்டராக நடிக்கும் இந்த படம் பான் இந்தியா படமாக உருவாகிறது.

இயக்குனர் அருண் மாதேஸ்வரன் செல்வராகவன் நடித்த சாணி காகிதம், ராக்கி உள்ளிட்ட படங்களை இயக்கியவர். பான் இந்தியா நாயகனாக மாறிவிட்ட தனுஷின் தொடரி, பட்டாஸ், மாறன் உள்ளிட்ட படங்களை தயாரித்த சத்யா ஜோதி பிலிம்ஸ் தயாரிக்கிறது. இத்திரைப்படம் வரும் பொங்கலுக்கு ஜனவரி 12 ஆம் தேதி ரிலீசாகும் என கூறப்பட்டுள்ளது.

இதைத்தொடர்ந்து நடிகர் தனுஷ் தனது 50 வது படத்தை தானே இயக்கி நடிக்க உள்ளார் .தற்போது இதற்கு தற்காலிகமாக ‘D 50’ என்று தலைப்பு வைத்துள்ளனர். இதில் எஸ் ஜே சூர்யா, சந்தீப் கிஷான், ஜெயராம் காளிதாஸ்,  நித்யா மேனன் ஆகியோர் முக்கிய கதாபாத்திரத்தில் நடிக்க இருப்பதாக தகவல் வெளியானது. சன் பிக்சர்ஸ் நிறுவனம் தயாரிப்பில் உருவாகும் இப்படத்திற்கு ஏ.ஆர்.ரகுமான் இசை அமைக்க உள்ளார். இத்திரைப்படத்தின் ஷூட்டிங்கும் சமீபத்தில் நிறைவடைந்ததாக புகைப்படங்களை இணையத்தில் பதிவு செய்திருந்தார் தனுஷ்.

இத்திரைப்படத்தை தொடர்ந்து ரெஸ்ட் எடுக்காமல் அவர் தற்பொழுது மீண்டும் அடுத்த படத்தை ஷூட்டிங் வேலைகளை ஆரம்பித்து விட்டார்.  அதாவது சென்னையில் அவரது அக்கா பையனை ஹீரோவாக வைத்து ஷூட்டிங் தொடங்கியுள்ளார் நடிகர் தனுஷ். இயக்குனரான தனுஷ்  கேமியோ ரோலில் நடிக்க இருப்பதாகவும் கூறப்படுகிறது. இதில் முக்கியமான தகவல் என்னவென்றால் தனது அக்கா பையனுக்கு ஹீரோயினாக நடிகை அனிகாவை கமிட் செய்துள்ளாராம் தனுஷ். இத்தகவல் தற்பொழுது இணையத்தில் வைரலாக பேசப்பட்டு வருகிறது.