விஜய்யை நம்பி தமிழ் சினிமா இல்லை, அவர் போயிட்டா.. உண்மையை உடைத்துக் கூறிய பிரபலம்..

தமிழ் சினிமாவில் முன்னணி நடிகராக கொடி கட்டி பறந்து கொண்டிருப்பவர் தான் நடிகர் விஜய். இவருடைய நடிப்பில் கடந்த ஆண்டு லியோ திரைப்படம் வெளியாகி ரசிகர்கள் மத்தியில் நல்ல வரவேற்பை பெற்ற நிலையில் கடந்த செப்டம்பர் 5ஆம் தேதி விஜய் நடிப்பில் கோட் திரைப்படம் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. இந்த திரைப்படத்தில் விஜய்யுடன் பிரபுதேவா, சினேகா, பிரசாந்த், லைலா உள்ளிட்டா பிரபலங்கள் பலரும் நடித்திருந்தனர். அதுமட்டுமல்லாமல் திரிஷாவும் ஒரு பாடலுக்கு நடனமாடி கலக்கியிருந்தார். இந்த திரைப்படத்தின் வெற்றியை தொடர்ந்து அடுத்ததாக தளபதி 69 திரைப்படத்தில் விஜய் நடிக்க உள்ளார்.

ஹெச். வினோத் இயக்கும் இந்த திரைப்படத்தின் படப்பிடிப்பு விரைவில் தொடங்க உள்ளது.  இதற்கான பூஜை சமீபத்தில் தான் நடந்து முடிந்தது. தளபதி 69 திரைப்படம் தான் விஜயின் கடைசி திரைப்படம் என கூறப்படுகிறது. அதன் பிறகு விஜய் முழு நேர அரசியலில் ஈடுபட உள்ளார். இந்த நிலையில் விஜயின் அரசியல் பயணம் குறித்து பேசி உள்ள திருப்பூர் சுப்பிரமணியன், சினிமாவை பொறுத்தவரையில் எந்த நடிகர்கள் போனாலும் எந்த நடிகர்கள் இருந்தாலும் கவலைப்பட தேவையில்லை.

விஜய் சினிமாவை விட்டு போவதால் சினிமாவிற்கு எந்த பாதிப்பும் இருக்காது. அவர் இல்லாவிட்டால் அவருடைய இடத்திற்கு அடுத்த ஆள் தயாராக உள்ளது. தமிழ் சினிமாவை பொறுத்தவரையில் எம்ஜிஆர் சிவாஜிக்கு பிறகு ரஜினி கமல் வந்தனர். அவர்களுக்கு அடுத்ததாக விஜய் மற்றும் அஜித் வந்த நிலையில் இவர்களை தொடர்ந்து அடுத்தடுத்து நடிகர்கள் தயாராக உள்ளனர். மக்கள் பிரம்மாண்டத்தை தான் எதிர்பார்க்கிறார்கள். அதனால் ஒருவரை நம்பி தமிழ் சினிமா என்பது கிடையாது. அடுத்தடுத்து நோக்கி நகர்ந்து கொண்டே இருக்கும் என அவர் பேசியுள்ளார்.