CINEMA
‘காக்க காக்க’ திரைப்படத்தில் முதன்முதலில் நடிக்கவிருந்தது சூர்யா கிடையாதாம்… இந்த பிரபல நடிகர் தானாம்…
சூர்யா – ஜோதிகா நடிப்பில் 2003ம் வெளிவந்த காக்க காக்க திரைப்படம் ஒரு சூப்பர் டூப்பர் பிளாக்பஸ்டர் ஹிட் திரைப்படம். கௌதம் வாசுதேவ் மேனன் இயக்கத்தில் கலைப்புலி. எஸ். தண்டு தயாரிப்பில் இப்படம் வெளிவந்து இன்றோடு 19 ஆண்டுகள் ஆகின்றன. இருப்பினும் இன்றும் இந்த அக்ஷன் திரில்லர் திரைப்படத்தை யாராலும் மறக்கவே முடியாது.
ஹாரிஸ் ஜெயராஜ் இசையமைப்பில் அப்படத்தின் ஒவ்வொவரு பாடல்களும் சூப்பர் ஹிட். ஜீவன் வில்லன் கதாபாத்திரத்தில் சிறப்பாக நடித்திருந்தார். 2003ம் ஆண்டு வெளியான படங்களில் தமிழ் சினிமா ரசிகர்கள் கொண்டாடிய திரைப்படம் காக்க காக்க திரைப்படம். காதலர்களை பெரிதும் கவர்ந்தது இந்த படம்.
கௌதம் வாசுதேவ் மேனன் இயக்கிய இரண்டாவது திரைப்படம் ” காக்க காக்க”. இப்படத்தின் வெற்றிக்கு காரணம் வழக்கமான ஃபார்முலா திரைப்படமாக இல்லாமல் ஸ்டைலான மற்றும் வித்தியாசமான திரைக்கதையுடன் போலீஸ் சம்பந்தப்பட்ட ஆக்ஷன்-த்ரில்லர் திரைப்படம் என்பதால் ரசிகர்களிடம் நல்ல வரவேற்பை பெற்றது.
காக்க காக்க திரைப்படம் பிளாக்பஸ்டர் ஹிட் படமாக வெற்றி பெற்றதால் பல மொழிகளிலும் ரீமேக் செய்யப்பட்டது. சூர்யா மற்றும் ஜோதிகாவின் திரையுல வாழ்வில் இப்படம் ஒரு மைல்கல் என்றே சொல்ல வேண்டும். தற்பொழுது இத்திரைப்படத்தை பற்றிய சுவாரசியமான தகவல் இணையத்தில் வெளியாகி வைரலாகி வருகிறது.
அதன்படி இத்திரைப்படத்தில் முதன் முதலாக நடிக்கவிருந்தது சூர்யா கிடையாதாம். நடிகர் விஜய் தான் இத்திரைப்படத்திற்கு இயக்குனரால் தேர்ந்தெடுக்கப்பட்டாராம். ஆனால் ஒரு சில காரணங்களால் நடிகர் விஜய் நடிக்க முடியாமல் போக நடிகர் சூர்யா இக்கதாபாத்திரத்தை ஏற்று நடித்துள்ளார் என்று கூறப்படுகிறது.