அஸ்வத் மாரிமுத்து பிறந்த நாளை முன்னிட்டு அவருக்கும் அவரது உதவியாளருக்கும் நடிகர் சிம்பு பிரியாணி அனுப்பி வைத்துள்ளார். இது தொடர்பான புகைப்படங்கள் இணையத்தில் வெளியாகி வைரலாகி வருகின்றது. லவ் டுடே திரைப்படத்தை தொடர்ந்து பிரதிப் ரங்கநாதன் தற்போது பிசியான நடிகராக மாறிவிட்டார். இவர் விக்னேஷ் சிவன் இயக்கத்தில் எல்ஐசி என்ற திரைப்படத்தில் நடித்து வருகின்றார்.
அதைத்தொடர்ந்து அஸ்வத் மாரிமுத்து இயக்கத்திலும், டிராகன் என்கின்ற படத்தில் நடித்த வருகின்றார். இந்த படத்தின் படப்பிடிப்பு முடிவடைந்த நிலையில் இரண்டாம் கட்ட படப்பிடிப்பு இந்த மாதத்தில் தொடங்க உள்ளது. சென்னை மற்றும் ஹைதராபாத் பகுதிகளை மையமாகக் கொண்டு இந்த படத்தை பட குழுவினர் எடுத்து வருகின்றனர்.
ஏஜிஎஸ் என்டர்டைன்மென்ட் தயாரித்து வரும் இந்த திரைப்படத்தின் அறிவிப்பு வந்தவுடன் தமிழ் சினிமாவில் பலரும் இது முதலில் சிம்புவுக்கு சொல்லப்பட்டது. பின்னர்தான் பிரதீப் ரங்கநாதனுக்கு கூறப்பட்டது என சொல்லி வந்தார்கள். இதனை முற்றிலுமாக மறுத்த அஸ்வத் மாரிமுத்து சிம்பு சாருக்கு நான் சொன்ன கதை வேறு, இந்த கதை முழுக்க முழுக்க பிரதீப் ரங்கநாதனை மனதில் வைத்து எழுதப்பட்ட கதை என்று கூறி மறுத்துவிட்டார்.
இதைத்தொடர்ந்து நேற்று அஸ்வின் மாரிமுத்து தனது பிறந்த நாளை கொண்டாடி இருந்தார். இந்நிலையில் நடிகர் சிம்பு அஸ்வின் மாரிமுத்து மற்றும் அவரது உதவியாளருக்கு பிரியாணியை அனுப்பி வைத்து வாழ்த்துக்களை தெரிவித்து இருந்தார் .இதனை இயக்குனர் அஸ்வத் மாரிமுத்து தன்னுடைய சமூக வலைதள பக்கத்தில் பிரியாணி சாப்பிடுவது போன்ற புகைப்படத்தை பகிர்ந்திருந்தார்.
அதில் எனது பிறந்தநாளுக்கு எனக்கும் எனது உதவி இயக்குனர்களுக்கும் நீங்கள் பிரியாணி அனுப்பி வைத்ததற்கு நன்றி சிம்பு சார். நீங்கள் ரொம்ப நல்ல மனிதர் என்று பதிவிட்டு இருந்தார். இந்த பதிவை பார்த்த ரசிகர்கள் பலரும் சிம்புவை வாழ்த்தி வருகிறார்கள். மேலும் அஸ்வந்த் மாரிமுத்துக்கும் தங்களது வாழ்த்துக்களை தெரிவித்து வருகிறார்கள். இதன் மூலம் அஸ்வத் மாரிமுத்து தற்போது இயக்கி வரும் டிராகன் திரைப்படத்தை தொடர்ந்து சிம்புவை வைத்து ஒரு புதிய திரைப்படத்தை இயக்க உள்ளார் என்பது கிட்டத்தட்ட உறுதியாகியுள்ளது.