தொடர் தோல்வியால் ரூட்டை மாற்றும் சந்தானம்… பெரிய ரிஸ்க் எடுக்க தயரான பார்த்தா…!

தமிழ் சினிமாவில் நகைச்சுவை நடிகராக தன்னுடைய சினிமா வாழ்க்கையை தொடங்கியவர் தான் நடிகர் சந்தானம். தற்போது இவர் வளரும் ஹீரோவாக இருக்கிறார். அதுவும் விஜய் டிவியில் மிகவும் பாப்புலரான நிகழ்ச்சியில் ஒன்றுதான் லொள்ளு சபா. 90ஸ் கிட்ஸ்களுக்கு மிகவும் பிடித்த நிகழ்ச்சி என்று கூறலாம். அடுத்த வாரம் ரிலீஸ் ஆகக்கூடிய படங்கள் அனைத்தையும் காமெடியாக சித்தரித்து தொகுத்து வழங்குவது தான் இந்த நிகழ்ச்சியின் நோக்கம். இந்த நிகழ்ச்சிக்கு மிகப்பெரிய ரசிகர்கள் கூட்டம் இருந்தது.

அந்த நிகழ்ச்சியில் நடித்த நடிகர்கள் தான் இன்றைய சினிமாவில் பல முக்கிய அந்தஸ்தை பெற்ற நடிகர்களாக உள்ளனர். அவர்களில் சந்தானம், யோகி பாபு மற்றும் சுவாமிநாதன் ஆகிய நடிகர்களும் அடங்குவார்கள். அதிலும் இவர் நடிகர் ஆர்யா, உதயநிதி ஸ்டாலின், விஷால் ஆகியோருடன் சேர்ந்து நடிக்கும் படங்களில் காமெடிக்கு பஞ்சமே இருக்காது. அந்த அளவுக்கு மிகச் சிறப்பாக நகைச்சுவை செய்யக்கூடிய ஒரு நடிகர். அதிக அளவில் ஆர்யாவுடன் இணைந்து காமெடி கதாபாத்திரத்தில் நடித்திருக்கின்றார்.

இந்த நிலையில் சந்தானம் சமீபத்தில் திருப்பதி ஏழுமலையானை தரிசனம் செய்துவிட்டு திரும்பினார். திருப்பதி போனால் திருப்பம் ஏற்படும் என்பது போல தற்போது புதிய திருப்பம் ஒன்றை நிகழ்த்தப் போகிறார் சந்தானம். தில்லுக்குதுட்டு இரண்டாம் பாகம் படத்தில் நடித்துக் கொண்டிருக்கிறார். இந்த படத்தை முடித்த பிறகு மொத்தமாய் தன்னுடைய டிராக்கை மாற்ற போகிறாராம்.

சிம்பு, தனுஷ், ஆர் ஜே பாலாஜி போல இவரும் படங்களை இயக்கப் போகிறாராம். அதற்கு கதை கூட ரெடி பண்ணி விட்டதாக கூறப்படுகிறது. தில்லுக்கு துட்டு இரண்டாம் பாகத்திற்கு பிறகு கவலை வேண்டாம், யாமிருக்க பயமேன் போன்ற படங்களை இயக்கிய இயக்குனர் டி.கேவுடன் ஒரு படம் எடுக்கப் போகிறாராம் சந்தானம். அதன் பிறகு முழுநேர இயக்குனராக மாறுகிறார்.