நடிகர் ரஜினிகாந்த் இப்போது ஜெயிலர் 2 படத்தில் நடித்து வருகிறார். இந்த படத்தை முடித்துவிட்டு பார்க்கிங் பட இயக்குனர் ராம்குமார் பாலகிருஷ்ணன் இயக்கத்தில், ராஜ்கமல் பிலிம்ஸ் தயாரிப்பில் நடிக்க உள்ளதாக தகவல் வெளியானது. இந்த படத்துக்கு தலைவர் 173 என தற்காலிக டைட்டிலும் வைக்கப்பட்டது.
ஆனால் இப்போது ஓ மை கடவுளே டிராகன் போன்ற பெரிய வெற்றிப் படங்களை தந்த இயக்குனர் அஸ்வத் மாரிமுத்து இயக்கத்தில் ரஜினிகாந்த் நடிப்பது உறுதியாகி உள்ளது. இதுகுறித்த அறிவிப்பு இந்த வாரத்தில் வெளியாகும் என்று தெரிகிறது. நடிகர் கமல்ஹாசன் தயாரிக்க உள்ள இந்த படத்தின் படப்பிடிப்பு வரும் ஏப்ரல் மாதத்தில் தொடங்குகிறது.
இந்த படத்தின் கதை தொடர்பாக நடிகர் ரஜினிகாந்த் இயக்குனர் அஸ்வத் மாரிமுத்து சந்திப்பு இதுவரை 5 முறை நடந்துள்ளது. இறுதியாக நடந்த சந்திப்பில் அஸ்வத் மாரிமுத்து கூறிய கதை மிகவும் பிடித்து போனதால் உடனடியாக ரஜினிகாந்த் டபுள் ஓகே சொல்லி இருக்கிறார். இதையடுத்து படத்தின் ப்ரீ புரெடக்சன் பணிகள் இப்போது தொடங்கப்பட்டுள்ளன.