நடிகர் பிரேம்ஜி முரட்டு சிங்கிளாகவே காலத்தை கழித்து வந்த நிலையில் இதை பெருமையாக பல இடங்களிலும் பேசி வந்தார். ஆனால் அவரையும் காலம் திருமண பந்தத்தில் சேர்த்து விட்டது. சேலத்தை சேர்ந்த இந்து என்பவரை பிரேம்ஜி சமீபத்தில் திருமணம் செய்து கொண்டார். தன்னுடைய அண்ணன் வெங்கட் பிரபுவின் இயக்கத்தில் சென்னை 28 உள்ளிட்ட திரைப்படங்களில் காமெடி கலாட்டா செய்தவர் தான் பிரேம்ஜி. இவர் நடிகராக மட்டுமல்லாமல் இசையமைப்பாளராகவும் சிறப்பாக செயல்பட்டு வருகின்றார். சமீபத்தில் வெங்கட் பிரபு இயக்கத்தில் வெளியான கோட் திரைப்படத்திலும் இவர் நடித்திருந்தார். நடிகர் பிரேம்ஜி பிரபல இயக்குனர் மற்றும் இசையமைப்பாளர் கங்கை அமரனின் மகன் மற்றும் வெங்கட் பிரபுவின் உடன் பிறந்த தம்பி ஆவார்.
தன்னுடைய அண்ணன் படங்களில் நடித்து தனது டைமிங் காமெடி மற்றும் பாடி லாங்குவேஜால் ஏராளமான ரசிகர்களை கவர்ந்தார். இவருடைய கேங்கிலேயே தொடர்ந்து முரட்டு சிங்கிளாக இருந்து வந்தார். இதைப் பெருமையாகவும் பல பேட்டிகளில் இவர் கூறியுள்ளார். இந்த நிலையில் பிரேம்ஜிக்கு சேலத்தை சேர்ந்த இந்து என்ற பெண்ணுடன் சமீபத்தில் திருமணம் நடந்து முடிந்தது. நட்பாக தொடங்கிய இவர்களுடைய சினேகம் காதலாக மாறி இறுதியாக திருமணத்தில் நிறைவடைந்துள்ளது. திருத்தணி முருகர் கோவிலில் தான் இவர்களுடைய திருமணம் நண்பர்கள் மற்றும் உறவினர்கள் முன்னிலையில் நடந்தது.
தற்போது பிரேம்ஜி திருமண வாழ்க்கையை மிகச் சிறப்பாக வாழ்ந்து வருகிறார். இவருடைய மாமியார் சமீபத்தில் பிரேம்ஜி பெயரிலேயே ஒரு புதிய தொழிலை தொடங்கியிருந்தார். இந்த நிலையில் பிரேம்ஜி மனைவி அடிக்கடி இன்ஸ்டாகிராம் பக்கத்தில் வீடியோக்களை பகிர்ந்து வருகிறார். அதில் பிரேம்ஜி மாமியார் மசாலாவை ப்ரமோஷன் செய்வது மட்டுமல்லாமல் மக்களுக்கு உதவும் வகையில் டிப்ஸ் கொடுத்து வருகிறார். அதன்படி தற்போது புத்தாண்டு வருவதால் அனைவரும் தங்கள் வாழ்வில் ஏதாவது செய்ய வேண்டும் என்று திட்டமிட்டு இருப்போம்.
அந்த வகையில் பிரேம்ஜி மனைவி இந்த மூன்று விஷயங்களை புத்தாண்டில் நீங்கள் உறுதிமொழியாக எடுத்துக் கொள்ளுங்கள் என்று டிப்ஸ் கொடுத்துள்ளார். அதன்படி முதலில் துரித உணவுகள் (junk foods) தவிர்த்து விடுங்கள். அடுத்ததாக இயற்கை உணவுகளை அதிகம் எடுத்துக் கொள்ளுங்கள். மூன்றாவதாக நல்ல தூக்கத்தை பின்பற்றினால் உடல் ஆரோக்கியமாக இருக்கும் என்று அனைவருக்கும் டிப்ஸ் கொடுத்துள்ளார்.
Instagram இல் இந்தப் பதிவைக் காண்க