தென்னிந்திய தமிழ் சினிமாவில் இளம் பெண்களின் சாக்லேட் பாயாக வலம் வந்தவர் பிரசாந்த். அஜித், விஜய் ஆகிய நடிகர்கள் சினிமாவில் வளர்ந்து வந்த காலகட்டத்தில் தனக்கென தனி டிராக் பிடித்து தனது வசீகரமான நடிப்பால் ரசிகர்கள் உள்ளங்களை கொள்ளை கொண்டவர் இவர். நடிகர் பிரசாந்த் தமிழில் ‘வைகாசி பொறந்தாச்சு’ என்ற திரைப்படத்தின் மூலம் கால்பதித்தார்.
இதைத்தொடர்ந்து செம்பருத்தி, கிழக்கே வரும் பாட்டு, கண்மணி, ஆணழகன் போன்ற பல வெற்றித் திரைப்படங்களில் நடித்து முன்னணி நடிகராக வளர்ந்தார். எனினும் ஜெய், லண்டன் போன்ற திரைப்படங்களை தொடர்ந்து பிரசாந்த்தின் கேரியர் சரியத்தொடங்கியது. குறிப்பாக கடந்த 6 ஆண்டுகளில் வெளியான சாகசம், ஜானி போன்ற திரைப்படங்கள் படுதோல்வி அடைந்தன.
இதனை தொடர்ந்து தற்போது அந்தகன் திரைப்படத்தில் பிரசாந்த் நடித்துள்ளார். இத்திரைப்படத்தின் மூலம் பிரசாந்த் மீண்டும் கம்பேக் கொடுத்துள்ளார் என்பதும் குறிப்பிடத்தக்கது. தற்பொழுது பல்வேறு திரைப்படங்களில் கமிட்டாகி பிசியாக நடித்து வருகிறார்.
பிரபலங்களின் சிறுவயது புகைப்படங்கள் அவ்வப்பொழுது இணையத்தில் வெளியாகி வைரலாகுவது வழக்கம். அந்தவகையில் தற்பொழுது நடிகர் பிரசாந்தின் சிறுவயது புகைப்படம் இணையத்தில் வெளியாகி படுவைரலாகி வருகிறது .