மௌன ராகம் படத்துக்கு ரசிகர் சொன்ன விமர்சனம்… அதன் பின்னர் தியேட்டருக்குப் போய் படம் பார்ப்பதையே நிறுத்திய மணிரத்னம்!

தமிழ் சினிமாவில் இன்றிருக்கும் மூத்த இயக்குனர்களில் ஒருவர் மணிரத்னம். இயக்குனர்கள் ஒரு கட்டத்தில் ஓய்வு பெற்றோ அல்லது அவுட்டேட் ஆகியோ வெளியேறிவிடும் நிலையில் மணிரத்னம் தன்னுடைய 70 ஆவது வயதிலும் பிஸியான இயக்குனராக வலம் வருகிறார்.

மணிரத்னம் முதலில் இயக்கிய தமிழ் படம் இதயக் கோவில். அதன் பிறகு பகல் நிலவு படத்தை இய்க்கினார். இந்த இரு படங்களும் வெற்றிப்படமாக அமையாததால் அவருக்கு அடுத்த பட வாய்ப்பு எளிதாகக் கிடைக்கவில்லை. அவர் தனது முதல் ஹிட்டை மௌனராகம் திரைப்படத்தின் மூலமாகதான் கொடுத்தார்.

அதன் பின்னர் அவருக்கு என்று பிராண்ட் வேல்யூ உருவானது. நாயகன், தளபதி என அடுத்தடுத்து அவரின் கிராஃப் எகிறிக் கொண்டே சென்றது. ரோஜா மற்றும் பம்பாய் ஆகிய திரைப்படங்களுக்குப் பிறகு அவர் இந்திய அளவில் கவனிக்கப்படும் இயக்குனர் ஆனார். அதனால் இந்தி சினிமாவிலும் அவருக்கு நல்ல பெயர் உருவானது. இந்திய சினிமா நட்சத்திரங்கள் அனைவரும் அவர் இயக்கத்தில் நடிக்க ஆர்வமாக இருந்தனர். இடையில் அவருக்கு பல வருடங்களாக ஹிட் இல்லாமல் இருந்த நிலையில் பொன்னியின் செல்வன் மூலமாகக் கம்பேக் கொடுத்தார்.

இந்நிலையில் மணிரத்னம் சமீபத்தில் அளித்த ஒரு நேர்காணலில் தன்னுடைய படங்களைத் திரையரங்குக்கே சென்று பார்ப்பதில்லை எனக் கூறியுள்ளார். அதில் “நான் என்னுடைய மௌன ராகம் படத்தை ஒரு புறநகர் தியேட்டருக்கு சென்று பார்த்தேன். அப்போது படம் பார்த்த ஒரு முதியவர் “என்னையா இவன், டைவெர்ஸ் கேக்குறவள ஒரு அறை அறையுறத விட்டுட்டு என்னென்னமோ பண்ணிட்டு இருக்கான்” என சொன்னார். அப்போதில் இருந்து நான் தியேட்டர்களுக்கு சென்று என்னுடைய படங்களைப் பார்ப்பதை நிறுத்திவிட்டேன்” எனக் கூறியுள்ளார்.