உனக்கு 3 மடங்கு சம்பளம் தரேன்.. தனுஷ் பட இயக்குனரை புக் செய்து அடுத்த சம்பவத்துக்கு தயாரான லெஜெண்ட் சரவணன்..

சரவணா ஸ்டோர்ஸ் என்றாலே முதலில் நியாபகம் வருவது அருள் சரவணன் தான். காரணம், சரவணா ஸ்டோர்ஸ் விளம்பரத்தில் அடிக்கடி தோன்றி மக்கள் மத்தியில் மிகவும் பிரபலமானார்.
தனது நிறுவனத்தின் விளம்பரத்தில் தானே நடித்து மக்கள் மத்தியில் மிகவும் பிரபலமானவர் நடிகர் அருள் சரவணன்.

விளம்பரம் மூலம் மிகவும் பாப்புலரான சரவணன் இந்த பாப்புலர் பத்தாதே இன்னும் பாப்புலர் ஆகவேண்டும் என்றல் அதற்கு ஒரே வழி சினிமா தான் என்று நன்கு புரிந்துகொண்டார்.அந்த வகையில் இவர் தன்னுடைய விளம்பரங்களை இயக்கிய இரட்டை இயக்குனர்களான ஜேடி, ஜெர்ரி இயக்கத்தில் தி லெஜெண்ட் சரவணா திரைப்படத்தில் ஹீரோவாக தமிழ் சினிமாவில் என்ட்ரி கொடுத்தார்.

இவர் எதிர்பார்த்தை விட ரசிகர்கள் மத்தியில் நல்ல வரவேற்பு இருந்தது. இப்படத்தில் இவருக்கு ஜோடியாக பிரபல பாலிவுட் நடிகை ஊர்வசி ரவுத்தலே நடித்திருந்தார். தமிழ், தெலுங்கு, மலையாளம், கன்னடம் என 5 மொழிகளில் வெளியான இப்படத்தில் சரவணன் விஞ்ஞானியாக களம் இறங்கினார் மேலும் ரோபோ சங்கர், தேவதர்ஷினி, காமெடி நடிகர் விவேக் போன்ற பலர் இந்த படத்தில் நடித்திருந்தனர்.

இப்படம் விமர்சனமும் ரீதியாக மக்கள் மத்தியில் நல்ல வரவேற்பை பெற்றது இருப்பினும் வசூலில் சொல்லும் அளவிற்கு வெற்றி பெறவில்லை. ஆனால் தனது முயற்சியை மட்டும் இன்னும் அவர் கைவிடவே இல்லை. இவர் கடந்த ஒரு வருடமாக 50க்கும் மேற்பட்ட கதைகளை கேட்டுள்ளாராம். ஆனால் அவருக்கு ஒரு கதை கூட பிடிக்கவில்லையாம்.

இந்நிலையில், எதிர் நீச்சல், காக்கி சட்டை, கொடி, பட்டாஸ் ஆகிய படங்களை இயக்கிய துரை செந்தில்குமார் இயக்கத்தில் தற்பொழுது நடிக்கவுள்ளாராம் லெஜெண்ட். இப்போது துரை செந்தில்குமார் வாங்கும் சம்பளத்தில் 3 மடங்கு தருவதாக கூறி அவரை லாக் செய்துள்ளாராம். இந்த கூட்டணியாவது ஒர்க் அவுட் ஆகுமா..? எது எப்படியோ அடுத்த சம்பவத்துக்கு தயாராகி விட்டார் நம்ம லெஜெண்ட்.