தமிழ் சினிமாவில் வளர்ந்து வரும் நடிகர்களில் ஒருவராக வலம் வருபவர் நடிகர் கவின். சின்னத்திரையில் தனது பயணத்தை தொடங்கிய நடிகர் கவின் சின்னத்திரையில் சிறிய கதாபாத்திரத்தில் நடித்து வந்தார். அதன் பிறகு பிக் பாஸ் நிகழ்ச்சியில் இவருக்கு மிகப்பெரிய திருப்புமுனையாக அமைந்தது.
பிக் பாஸ் நிகழ்ச்சிக்கு பிறகு இவர் நடித்த லிப்ட் திரைப்படம் நல்ல வரவேற்பு கொடுத்ததை தொடர்ந்து டாடா திரைப்படத்தில் நடித்திருந்தார். இந்த திரைப்படம் அவருக்கு மிகப்பெரிய பெயரை வாங்கி கொடுத்தது. இந்த படத்திற்காக பல பிரபலங்களின் பாராட்டையும் பெற்றிருந்தார் கவின். தற்போது பியார் பிரேமா காதல் திரைப்படத்தை இயக்கிய இயக்குனர் இளன் புதிய இயக்கத்தில் ஸ்டார் திரைப்படத்தில் நடித்து வருகிறார்.
இப்படத்திற்கு யுவன் சங்கர் ராஜா இசையமைக்கின்றார். ஒரு இளைஞன் நடிகனாகும் கனவை நோக்கி போராடும் படம் தான் ஸ்டார். இந்த படம் குறித்த சமீபத்தில் பேட்டி ஒன்றில் பேசியிருந்தார். அதில் பேசும் போது நான் நடிக்க தொடங்கி முதன் முறையாக வாங்கிய சம்பளம் குறித்து பகிர்ந்திருந்தார். அதாவது கனா காணும் காலங்கள் என்ற சீரியலில் அவர் முதன்முதலாக நடித்த போது ஒரு நாளைக்கு 1000 ரூபாய் சம்பளம் வாங்கினாராம்.