வெள்ளத்தில் சிக்கிய பிரபல காமெடி நடிகரை பத்திரமாக மீட்ட மீட்புக்குழு… உதயநிதி ஸ்டாலினுக்கு நன்றி தெரிவித்து அவரே வெளியிட்ட பதிவு…

மிக்ஜாம் புயல் மற்றும் வரலாறு காணாத அதி கனமழையால் பாதிக்கப்பட்ட சென்னையில் தற்பொழுது வரை பலர் உயிரிழந்திருக்கலாம் என அஞ்சப்படுகிறது. இதனிடையே, சென்னை சாலையில் விழுந்த மரங்கள் அகற்றப்பட்டும் வருகிறது. இதனிடையே, பாதிக்கப்பட்ட அனைத்து பகுதிகளும் மீட்பு மற்றும் நிவாரணப் பணிகள் முழு வீச்சில் நடைபெற்று வருவதாக காவல் துறை தெரிவித்துள்ளது. மீட்பு பணிகளை அரசும் துரிதப்படுத்தி வருகிறது.

இந்த வெள்ளத்தில் சாதாரண மக்கள் மட்டுமின்றி பல முக்கிய சினிமா நட்சத்திரங்களும் சிக்கிக் கொண்டுள்ளனர். இந்நிலையில் நடிகர் விஷ்ணு விஷால் தனது மொட்டை மாடியில் இருந்து கொண்டு புகைப்படம் வெளியிட்டு உதவி கேட்டிருந்தார். இதைத்தொடர்ந்து மீட்பு படையினர் அவரை விரைவாக மீட்டனர். அவருடைய வீட்டில் இருந்த நடிகர் அமீர் கானையும் மீட்டனர்.

இதைத்தொடர்ந்து நடிகை ஆத்மிகா தான் வெள்ளத்தில் சிக்கிக் கொண்டதாக கூறி உதவி கேட்டு ட்விட்டர்  பக்கத்தில் பதிவு ஒன்றை வெளியிட்டிருந்தார். இந்நிலையில் தற்பொழுது நடிகர் கருணாகரன்  தான் தன் குடும்பத்துடன் பத்திரமாக மீட்கப்பட்டதாக உதயநிதி ஸ்டாலின் அவர்களுக்கு நன்றி கூறி பதிவு ஒன்றை வெளியிட்டுள்ளார்.  இதோ அந்த பதிவு..