கடந்த பல ஆண்டுகளாக நடிகர் ஜீவாவுக்கு பெரிய அளவில் தமிழ் சினிமாவில் வெற்றிப் படங்கள் இல்லை. இப்போது பிளாக் பட இயக்குனர் கேஜி பாலசுப்பிரமணி மற்றும் இயக்குனர் எம் ராஜேஷ் இயக்கத்தில் 2 படங்களில் ஜீவா நடித்து வருகிறார் மேலும் நிதிஷ் சகாதேவ் இயக்கத்தில் தலைவர் தம்பி தலைமையில் என்ற படத்திலும் ஜீவா நடித்து வருகிறார். இந்த படத்தை கண்ணன் ரவி குரூப்ஸ் நிறுவனம் தயாரிக்கிறது. விஷ்ணு விஜய் படத்துக்கு இசையமைக்கிறார்.
தலைவர் தம்பி தலைமையில் படத்தின் டீசர் ஏற்கனவே வெளியாகி நல்ல வரவேற்பை பெற்றுள்ளது. ஆனால் இந்த படத்தில் ஜீவா நடிப்பதற்கு முன்பு முதலில் நடிக்க கமிட் ஆனவர் மலையாள நடிகர் மம்முட்டி தான். நிதிஷ் சகாதேவ் மம்முட்டியிடம் கதையை கூறியபோது அவருக்கு மிகவும் பிடித்து விட்டது. ஆனால் அந்த சூழலில் நடிகர் மம்முட்டி உடல்நிலை சரியில்லாத காரணத்தால் அந்த படத்தில் நடிக்கவில்லை. அதற்கு பிறகுதான் இந்த படத்தில் ஜீவா நடிக்க கமிட் ஆகியுள்ளார். இந்த படம் ஜீவாவுக்கு கம்பேக் படமாக அமையும் என்று எதிர்பார்க்கப்படுகிறது.