தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் தனுஷ். இவரின் நிஜப்பெயர் வெங்கடேஷ் பிரபு கஸ்தூரி ராஜா. திரைத்துறைக்காக தனது பெயரை தனுஷ் என மாற்றி கொண்ட இவர் தனது திறமை மற்றும் விடா முயற்சியின் மூலம் தற்பொழுது ரசிகர்கள் மனதில் நீங்காத இடத்தை பிடித்துள்ளார். காதல் கொண்டேன் மற்றும் புதுப்பேட்டை போன்ற திரைப்படங்கள் இவரது திரை வாழ்க்கையில் ஒரு திருப்புமுனையை ஏற்படுத்தியது.
இதைத் தொடர்ந்து பல்வேறு விதமான கதாபாத்திரங்களில் கலக்கிய இவர், ஆடுகளம், 3 போன்ற படங்களின் மூலம் தனது தனித்திறமையை வெளிப்படுத்தினார். இவர் நடிகராக மட்டுமின்றி எழுத்து, இயக்கம், திரைப்பட தயாரிப்பு போன்ற பன்முக திறமைகளை கொண்டவர். தற்பொழுது இவர் தனது 50 வது பட பணிகளை கவனித்து வருகிறார். இதைத்தொடர்ந்து ‘நிலவுக்கு என் மேல் என்னடி கோபம்’ என்ற தலைப்பில் ஒரு திரைப்படத்தையும் இயக்கி வருகிறார்.
இப்படி திரையுலகில் கலக்கி வரும் நடிகர் தனுஷின் சொத்து மதிப்பு குறித்த தகவல்கள் இணையத்தில் வெளியாகி உள்ளது. அதன்படி அவரின் மொத்த சொத்து மதிப்பு தற்போதைய நிலவரப்படி 223 கோடி என்று கூறப்படுகிறது. இதுவரை 50 திரைப்படங்களில் நடித்துள்ள இவர் ஒரு படத்திற்கு ரூ.15 கோடியிலிருந்து ரூ. 20 கோடி வரை வாங்குவதாகவும் கூறப்படுகிறது. இவரிடம் Jaguar XE- ரூ. 45 லட்சம், Ford Mustang- ரூ. 75 லட்சம், Bentley Continental Flying Spur- ரூ 3.40 கோடி, Rolls Royce Ghost- ரூ. 7 கோடி, Audi A8- 1.65 கோடி போன்ற சொகுசு கார்கள் உள்ளன.
இது மட்டுமின்றி போயஸ் கார்டனில் 150 கோடி மதிப்புள்ள பங்களா ஒன்றும், ஆழ்வார்பேட்டையில் 18 கோடி மதிப்புள்ள பங்களா ஒன்றும் உள்ளது. சொந்தமாக தயாரிப்பு நிறுவனம் ஒன்றை நடத்தி வரும் இவர் அதன் மூலமும் பல ஹிட் படங்களை கொடுத்தும் லாபம் ஈட்டி வருகிறார். இவரை இன்ஸ்டாகிராமில் 7.1 மில்லியன் ஃபாலோயர்களும், ட்விட்டரில் 11.6 மில்லியன் பாலோயர்களும் பின்தொடர்கின்றனர். இதன் மூலமும் நடிகர் தனுஷுக்கு வருமானம் கிடைக்கிறது.
