தமிழ் சினிமாவில் முன்னணி நடிகர்களில் ஒருவராக வலம் வருபவர் நடிகர் தனுஷ். ஆரம்ப காலகட்டத்தில் அந்த அளவுக்கு வரவேற்பு பெறவில்லை என்றாலும், தொடர்ந்து தன்னுடைய கடின உழைப்பு காரணமாக தற்போது முன்னணி நடிகராக கலக்கி வருகிறார். தமிழ் மட்டும் இல்லாமல் பாலிவுட், ஹாலிவுட் என தொடர்ந்து அடுத்தடுத்த கட்டத்திற்கு முன்னேறி வருகிறார்.
சினிமாவில் ஹீரோவாக அறிமுகமாகி தற்போது இயக்குனர், தயாரிப்பாளர், பின்னணி பாடகர் என அசத்தி வருகிறார். இவர் நடிப்பில் சமீபத்தில் வெளியான கேப்டன் மில்லர் திரைப்படம் நல்ல வரவேற்பை பெற்றிருந்தது. அதைத்தொடர்ந்து ராயன், நிலவுக்கு என் மேல் என்னடி கோபம் என அடுத்தடுத்து திரைப்படங்களையும் இயக்கி வருகிறார் நடிகர் தனுஷ்.
இந்நிலையில் நடிகர் தனுஷ் தெலுங்கு பட இயக்குனர்களுடன் கைகோர்த்து நடித்து வருகிறார். கடந்த ஆண்டு தெலுங்கு பட இயக்குனர் வெங்கி அட்லூரி இயக்கத்தில் வாத்தி என்ற திரைப்படம் வெளியானது. இதைத் தொடர்ந்து தற்போது பிரபல தெலுங்கு பட இயக்குனர் சேகர் கமுலா இயக்கத்தில் குபேரன் என்ற படத்திலும் நடித்து வருகிறார். இப்படத்தின் ஷூட்டிங் முழுக்க முழுக்க மும்பை மற்றும் ஹைதராபாத் பகுதியில் நடைபெற்று வருகின்றது.
இப்படத்தின் படப்பிடிப்பு விரைவில் முடிவடைந்து இந்த ஆண்டு இறுதிக்குள் ரிலீஸ் ஆகும் என்று எதிர்பார்க்கப்படுகின்றது. மும்பையில் இருக்கும் தாராவி பகுதியை அடிப்படையாகக் கொண்டு உருவாகி வரும் இப்படத்தில் தனுஷ் ஒரு பிச்சைக்கார வேடத்தில் நடித்து வருகிறார். அவருக்கு ஜோடியாக ராஷ்மிகா மந்தனா நடிக்கின்றார். மேலும் நாகார்ஜுனா இப்படத்தில் முக்கிய கதாபாத்திரத்தில் நடிப்பதாக தகவல் வெளியாகி உள்ளது.
அதாவது வில்லன் கதாபாத்திரத்தில் நாகார்ஜுன் நடிப்பதாக கூறப்பட்டு வருகின்றது. இப்படத்தில் இருந்து சமீபத்தில் நாகார்ஜுனா மற்றும் தனுஷ் ஆகியோரின் போஸ்டர்கள் வெளியாகி மக்களிடையே மிகப்பெரிய வரவேற்பை பெற்றது. இந்த திரைப்படத்தில் நடிகர் தனுஷ் பிச்சைக்காரனாக இருந்து கேங்ஸ்டராக மாறுவது போன்று கதைகளம் இருப்பதாக கூறப்பட்டு வருகின்றது. இப்படி மும்பையில் விறுவிறுப்பாக படத்தின் சூட்டிங் நடைபெற்று வரும் நிலையில் அங்கு ஒரு மிகப்பெரிய குப்பை கிடங்கில் படத்தின் சூட்டிங் நடைபெற்றதாம்.
அதில் பணியாற்றிய அனைத்து நபர்களுக்கும் மாஸ்க்கு வழங்கப்பட்ட நிலையில் 10 மணி நேரம் மாஸ்க் கூட இல்லாமல் நடிகர் தனுஷ் நடித்ததாக படத்தின் பட குழுவினர் தெரிவித்திருக்கிறார்கள். இந்த படத்திற்காக நடிகர் தனுஷ் மிகவும் மெனக்கட்டு நடிப்பதாக கூறப்படுகின்றது. இதனைக் கேட்ட பலரும் அவரை பாராட்டி வருகிறார்கள். ஏனென்றால் குப்பை கிடங்கு பக்கம் சென்றாலே அதன் நாத்தம் குடலை புரட்டும். அப்படி இருக்கும் சமயத்தில் நடிகர் தனுஷ் எப்படி 10 மணி நேரம் நடித்தார் என கூறி அவரின் மெனக்கிடலை பாராட்டி வருகிறார்கள்.
பிரபல தொகுப்பாளினியான விஜே அஞ்சனாவின் லேட்டஸ்ட் புகைப்படம் இணையத்தில் வெளியாகி வைரலாகி வருகின்றது. சன் மியூசிக் தொலைக்காட்சியில் விஜே-வாக தன்னுடைய…
விஜய் டிவி ஒளிபரப்பாகி வரும் சிறகடிக்க ஆசை சீரியலுக்கு எப்போதும் ரசிகர்கள் மத்தியில் நல்ல வரவேற்பு இருக்கும். இந்த சீரியல்…
மலையாள சினிமாவில் மிகவும் பிரபலமான நடிகர்களில் ஒருவராக வலம் வருபவர் நடிகர் ஷான் நிகம். இவர் கடந்த 2023 ஆம்…
தமிழ் சினிமாவில் மிகவும் பிரபலமான நடிகர்களில் ஒருவராக வலம் வருபவர் நடிகர் விஜய். இவர் தற்போது வெங்கட் பிரபு இயக்கத்தில்…
விஜய் டிவி ஒளிபரப்பாகும் குக் வித் கோமாளி நிகழ்ச்சி பார்ப்பதற்கு ஏராளமான ரசிகர்கள் இருக்கின்றனர். கடந்த 2019-ஆம் ஆண்டு குக்…
தெலுங்கு சினிமாவில் 2010 ஆம் ஆண்டு வெளியான ‘அந்தாரி பந்துவையா’ என்ற திரைப்படத்தில் முக்கிய கதாபாத்திரத்தில் நடித்து அறிமுகமானவர் பிரியங்கா…