வயசானாலும் உங்க அழகும் ஸ்டைலும் குறையவே இல்ல என்ற வரிகளுக்கு ஏற்றார் போல் இந்த வயதிலும் ரஜினியின் மாஸ் குறைந்தபாடில்லை. லோகேஷ் கனகராஜ் இயக்கத்தில் நடிகர் ரஜினியின் நடிக்கப் போகும் திரைப்படம் கூலி. இந்த படத்தின் டைட்டில் நேற்று வெளியாகி மிகப்பெரிய வரவேற்பை ஏற்படுத்தியுள்ளது. இந்த படத்தின் டைட்டில் டீசர் வெளியானதை தொடர்ந்து இப்படம் லோகேஷ் கனகராஜின் எல்சியு-வில் இல்லை என்பது உறுதியாகிவிட்டது.
இருப்பினும் படம் டைட்டில் வெளியானது தொடர்ந்து பல விமர்சனங்கள் எழுந்திருக்கின்றது. தமிழில் ஏற்கனவே சரத்குமார் நடிப்பில் கூலி என்ற தலைப்பில் திரைப்படம் வெளியாகி இருக்கின்றது. அது மட்டுமில்லாமல் பிரபல நடிகரான அமிதாபச்சன் ஹிந்தியில் கூலி என்ற ஒரு திரைப்படத்திலும் நடித்திருக்கின்றார். இந்த திரைப்படம் பெரியளவு வெற்றி படமாக அமைந்தது. ஆனால் இப்படத்தில் ஒரு விபத்து அரங்கேறியது.
சண்டைக்காட்சியின் போது அமிதாபச்சனும் பைட் மாஸ்டரும் சண்டை போட்டுக் கொண்டிருந்த சமயத்தில் ஒரு சேரிலிருந்து கம்பி அவரின் விலா எலும்பில் குத்திவிட்டதாம். இதனால் வழியில் துடித்து போன அமிதாப்பச்சனை உடனே அங்கிருந்து மருத்துவமனைக்கு கொண்டு சென்று அனுமதித்து பல மாதம் சிகிச்சை பெற்றதாக வலைப்பேச்சு பிஸ்மி தெரிவித்து இருக்கின்றார்.
இந்த சம்பவம் அந்த சமயத்தில் மிகப்பெரிய அதிர்ச்சியை ஏற்படுத்தியுள்ளதாம். இப்படி இருக்க லோகேஷ் கனகராஜ் டைட்டிலுக்கு கூட மெனக்கெடாமல் ஏற்கனவே வெளியான டைட்டிலை வைத்திருக்கிறார் என்று பலரும் விமர்சித்து வருகிறார்கள். அது மட்டும் இல்லாமல் டைட்டில் டீசரின் போது நடிகர் ரஜினி பேசிய டயலாக் ஏற்கனவே ரங்கா திரைப்படத்தில் அவர் பேசிய டயலாக் தான். அதையே மறுபடியும் இப்படத்தில் ரஜினி பேசியிருக்கிறார் என்பது குறிப்பிடத்தக்கது.
