நடுத்தர வர்க்கக் குடும்பம் ஒன்று முதன்முறையாக ஏசி (AC) வாங்கியபோது, அந்த வீட்டின் தாய் காட்டிய நெகிழ்ச்சியான எதிர்வினை குறித்த வீடியோ தற்போது சமூக வலைதளங்களில் வைரலாகி பலரது இதயங்களை வென்று வருகிறது. அந்த வீடியோவில், புதிதாக வாங்கப்பட்ட ஏசி வீட்டிற்கு வந்தவுடன், அந்தத் தாய் அதற்குப் பொட்டு வைத்து, திலகமிட்டு மிகுந்த மரியாதையுடன் வரவேற்பதைக் காணலாம். ஒரு நடுத்தரக் குடும்பத்திற்கு ஏசி என்பது வெறும் ஆடம்பரப் பொருள் மட்டுமல்ல, அது அவர்களின் பல ஆண்டுகால உழைப்பு மற்றும் கனவின் அடையாளம் என்பதை இந்தச் செயல் உணர்த்துகிறது.
View this post on Instagram
இந்த நெகிழ்ச்சியான தருணத்தைக் கண்ட இணையவாசிகள், “இதுதான் உண்மையான மகிழ்ச்சி” என்றும், “அம்மாவின் இந்தச் செயல் அந்தப் பொருளின் மீதான மதிப்பை விட, அந்த உழைப்பின் மீதான மரியாதையைக் காட்டுகிறது” என்றும் கருத்து தெரிவித்து வருகின்றனர். எத்தனையோ விலையுயர்ந்த பொருட்கள் சந்தையில் இருந்தாலும், ஒரு சாமானிய குடும்பம் தன் கடின உழைப்பால் வாங்கும் சிறு பொருளில் கூட இத்தனை தெய்வீகத் தன்மையையும் மகிழ்ச்சியையும் காண்பது பலரையும் நெகிழ்ச்சியில் ஆழ்த்தியுள்ளது.