கர்நாடக மாநிலம் பெங்களூரைச் சேர்ந்த 23 வயதான வர்ஷா என்ற பெண், தனது உறவினர் மற்றும் நண்பருடன் சேர்ந்து சுற்றுலாவுக்காக ஹாசன் மாவட்டத்தில் உள்ள சகலேஷ்பூருக்குச் சென்று அங்குள்ள ஒரு விடுதியில் தங்கியிருந்தார்.
விடுதியில் இருந்தபோது அவர் ஒரு சாக்லேட்டைச் சாப்பிட்டுவிட்டு, குளிக்கப் போவதாகக் கூறிச் சென்றுள்ளார். ஆனால், அடுத்த சில நிமிடங்களிலேயே அவர் எதிர்பாராதவிதமாக மயங்கி கீழே விழுந்துள்ளார்.
உடனடியாக அவர் மருத்துவமனைக்குக் கொண்டு செல்லப்பட்டபோதிலும், அவர் ஏற்கனவே உயிரிழந்துவிட்டதாக மருத்துவர்கள் தெரிவித்தனர். இச்சம்பவம் குறித்து வழக்குப் பதிவு செய்துள்ள காவல்துறையினர், அவரது மரணத்திற்கான சரியான காரணத்தைக் கண்டறிய விசாரணை நடத்தி வருகின்றனர்.