மகாராஷ்டிரா மாநிலம் புனேவில் பெரும் அதிர்ச்சியை ஏற்படுத்தியுள்ள சம்பவம் ஒன்றில், 33 வயது பெண் தொழில்நுட்ப வல்லுநரான திருஷ்ணா ராகுல் சாக்பால் என்பவர் தற்கொலை செய்து கொண்டு உயிரிழந்துள்ளார். தற்கொலை செய்து கொள்வதற்கு முன்பு அவர் எழுதியுள்ள கடிதத்தில், தனது கணவர் மற்றும் மாமனார் வீட்டார் தங்களது வீட்டைத் தம் பெயருக்கு எழுதித் தருமாறும், தனது முழுச் சம்பளத்தையும் தங்களிடம் வழங்க வேண்டும் என்றும் தொடர்ந்து கடுமையான மன உளைச்சலை ஏற்படுத்தி வந்ததாகக் குற்றஞ்சாட்டியுள்ளார்.
இளம் பெண் இன்ஜினியர் ஒருவர் வரதட்சணை மற்றும் பணத் தொல்லை காரணமாகத் தற்கொலை செய்து கொண்டுள்ள இந்தச் சம்பவம் அப்பகுதியில் பெரும் கொந்தளிப்பை ஏற்படுத்தியுள்ளது. இந்த விவகாரம் குறித்துத் தகவலறிந்த புனே காவல்துறையினர், தற்கொலைக் கடிதத்தைக் கைப்பற்றியதுடன், பெண்ணின் கணவர் மற்றும் அவரது குடும்பத்தினர் மீது வழக்குப் பதிவு செய்து தீவிர விசாரணை மேற்கொண்டு வருகின்றனர்.