பகீர்!… ரயிலைப் பிடிக்க முயன்ற இளம் தாய்… இறுதியில் காத்திருந்த அதிர்ச்சி… அனாதையாக நின்ற 2 பிஞ்சு குழந்தைகளின் அழுகுரல்… கோடெர்மாவை உலுக்கிய துயரம் சம்பவம்…!!!

கோடெர்மா ரயில் நிலையத்தில் நிகழ்ந்த ஒரு துயரச் சம்பவம், ஒட்டுமொத்த தேசத்தையும் உலுக்கியுள்ளது. 24 வயதான இளம் தாய் ஒருவர், நகர்ந்து கொண்டிருந்த ரயிலில் ஏற முயன்றபோது நிலைதடுமாறி விழுந்து உயிரிழந்தார். இந்தத் விபத்தின் கோரத்தை விடவும், அந்தத் தாயை இழந்து நடைமேடையில் தவித்த அவரது இரண்டு பச்சிளம் குழந்தைகளின் அழுகுரல் காண்போர் இதயங்களை ரணமாக்கியுள்ளது. யாரோ முன்பின் தெரியாத அந்நியர்களின் கைகளில் அழுது கொண்டிருந்த அந்த குழந்தைகளின் படம், இணையதளங்களில் பரவி மக்களின் மனசாட்சியை உலுக்கி வருகிறது.

இந்தச் சம்பவம் ரயில் நிலையங்களில் நிலவும் பாதுகாப்பு குறைபாடுகளை மீண்டும் ஒருமுறை வெளிச்சம் போட்டுக் காட்டியுள்ளது. ரயில்வே பாதுகாப்புப் படை (RPF) மற்றும் நிலைய ஊழியர்கள், பயணிகள் நகரும் ரயில்களில் ஏறுவதைத் தடுக்க தீவிரமான கண்காணிப்பில் ஈடுபட வேண்டியது அவசியமாகும். ரயில்கள் புறப்படும் நேரத்தில் பிளாட்பாரங்களில் முறையான எச்சரிக்கைகளும், கண்காணிப்பும் இருந்திருந்தால் இத்தகைய உயிர்பலிகளைத் தடுத்திருக்க முடியும். இயந்திரத்தனமான பயணங்களுக்கு இடையே, சக பயணிகளின் பாதுகாப்பு குறித்த அக்கறையும் விழிப்புணர்வும் அதிகாரிகளிடம் இன்னும் அதிகரிக்க வேண்டும் என்பதை இது காட்டுகிறது.

உயிரைப் பணயம் வைத்து ரயிலில் ஏறுவது என்பது எவ்வளவு பெரிய ஆபத்து என்பதை இந்தப் பேராபத்து நமக்கு உணர்த்துகிறது. அவசரம் மற்றும் கவனக்குறைவால் ஒரு நொடியில் பறிபோகும் உயிர், அந்த ஒரு குடும்பத்தையே சிதைத்து விடுகிறது. சக பயணிகளும் இது போன்ற ஆபத்தான முயற்சிகளைப் பார்க்கும் போது மௌன சாட்சிகளாக இருக்காமல், அவர்களைத் தடுத்து உதவ முன்வர வேண்டும். “பாதுகாப்பே முதல் முன்னுரிமை” என்பதை ஒவ்வொரு பயணிகளும் உணர வேண்டும்; சில நிமிட தாமதத்தைத் தவிர்க்க நினைத்து, வாழ்நாள் முழுமைக்கும் ஈடு செய்ய முடியாத இழப்பைத் தேடிக்கொள்ளக் கூடாது.