காப்பாத்துங்க சார்… உயிருக்குப் போராடிய வாலிபர்… தானேவில் பரபரப்பான மீட்பு நடவடிக்கை… இணையத்தில் வைரலாகும் வீடியோ…!

மகாராஷ்டிரா மாநிலம் தானே ரயில் நிலையம் அருகே உள்ள SATIS பாலத்தின் விதானம் மீது சிக்கிக்கொண்ட 30 வயது மதிக்கத்தக்க நபர் ஒருவர், பேரிடர் மேலாண்மை மற்றும் தீயணைப்புத்துறையினரால் பாதுகாப்பாக மீட்கப்பட்டுள்ளார்.

இந்தச் சம்பவம் அப்பகுதியில் பெரும் பரபரப்பை ஏற்படுத்திய நிலையில், அந்த நபர் அங்குள்ள நூறு அடி உயரமான பாலத்தின் உச்சிக்கு எப்படி சென்றார் என்பது குறித்துப் பொதுமக்களிடையே குழப்பமும் அச்சமும் ஏற்பட்டது. சிலர் அவர் இறந்துவிட்டதாகத் தவறாக நினைத்து அச்சமடைந்ததும் குறிப்பிடத்தக்கது.

https://twitter.com/i/status/2117970589310919137

இதையடுத்து, உள்ளூர் மக்களின் தகவலின் பேரில் நிகழ்விடத்திற்கு விரைந்த மீட்புக்குழுவினர், ஒரு வழியாக அந்த நபரை பத்திரமாக கீழே இறக்கி தானே நகர் காவல் நிலையத்திடம் ஒப்படைத்தனர். அந்த நபர் மனநலம் பாதிக்கப்பட்டிருக்கலாம் என்று சந்தேகிக்கப்படும் நிலையில், அவர் எப்படி அங்கு ஏறினார் என்பது குறித்துப் காவல்துறையினர் விசாரணை நடத்தி வருகின்றனர்.