மும்பையைச் சேர்ந்த சமூக ஆர்வலர் யஷ் மானே, வாரணாசியில் உள்ள நட்சத்திர ஓட்டலான ‘தாஜ் கஞ்சஸ்’ (Taj Ganges) விடுதிக்கு ஆதரவற்ற ஏழைச் சிறுவர்களை அழைத்துச் சென்றார். அந்தச் சிறுவர்களுக்கு உயர்தர உணவை வழங்க வேண்டும் என்ற நோக்கில் அவர் சென்றபோது, ஓட்டல் நிர்வாகம் அவர்களை உள்ளே அனுமதிக்க மறுத்து தடுத்தது. இதனால் ஆத்திரமடைந்த யஷ் மானே, சுமார் 30 நிமிடங்கள் நிர்வாகத்துடன் கடும் வாக்குவாதத்தில் ஈடுபட்டு, சிறுவர்களுக்கு உணவு வழங்கியே தீர வேண்டும் என்பதில் உறுதியாக நின்றார்.
இறுதியில் அவரது விடாமுயற்சிக்கு வெற்றி கிடைத்தது; நிர்வாகம் பணிந்து சிறுவர்களை உள்ளே அனுமதித்தது. அங்கு அந்தச் சிறுவர்களுக்குச் சுவையான உணவுகள் பரிமாறப்பட்டன, அவர்களும் மிகுந்த மகிழ்ச்சியுடன் உணவை உண்டு மகிழ்ந்தனர். இந்த நெகிழ்ச்சியான சம்பவத்தின் வீடியோ சமூக வலைதளங்களில் வைரலாகி வரும் நிலையில், யஷ் மானேவின் இந்தச் செயலைப் பாராட்டிப் பலரும் தங்களது வாழ்த்துகளைத் தெரிவித்து வருகின்றனர்.
View this post on Instagram