பீகார் மாநிலத்தைச் சேர்ந்த ஆதித்யா என்ற 6 வயது சிறுவன், மாநில இளைஞர்களின் உரிமைகளுக்காகப் போராட்டத்தில் ஈடுபட்டு, அங்கிருந்த காவல் அதிகாரிகளிடம் துணிச்சலாகக் கேள்விகளைக் கேட்டுப் பதிலடி கொடுத்துள்ளான். சுமார் 20-க்கும் மேற்பட்ட செய்தி நிறுவனங்களின் மைக்குகள் தன் முன்னால் இருந்தபோதிலும், எவ்விதப் பயமும் இன்றி, அசைக்க முடியாத தன்னம்பிக்கையுடன் அந்தச் சிறுவன் தன் கருத்துகளைப் பதிவு செய்துள்ளான்.
சிறிய வயதிலேயே நாட்டின் தற்போதைய நிலவரங்கள் மற்றும் இளைஞர்களின் பிரச்சினைகள் குறித்து அச்சமின்றிப் போலீசாரிடமே கேள்வி எழுப்பிய இந்தச் சிறுவனின் வீடியோ இணையத்தில் வேகமாகப் பரவி வருகிறது. “பீகார் மண் ஒரு உண்மையான வைரத்தைப் பெற்றெடுத்துள்ளது” என்று நெட்டிசன்கள் பலரும் அச்சிறுவனின் தைரியத்தையும் தன்னம்பிக்கையையும் வெகுவாகப் பாராட்டி வருகின்றனர்.