ஐயோ கொடுமையே… ரீல்ஸ் ஓடாத கோபத்தில்… செல்போனை உடைத்து விஷம் குடுத்து… உயிரை மாய்த்த பெண்… நடுங்க வைக்கும் சோகம்…!

சத்தீஸ்கர் மாநிலம் கோர்பா மாவட்டத்தில் உள்ள கெரகச்சார் கிராமத்தைச் சேர்ந்த 52 வயதான மங்லோ பாய் எனும் பெண், கைபேசியில் ரீல்ஸ் பார்ப்பதை வழக்கமாகப் கொண்டிருந்தார். நாளடைவில் இதில் தீவிர கவனம் செலுத்திய அவர், தொடர்ந்து ரீல்ஸ் பார்க்கும் அளவுக்கு இதற்கு அடிமையானார்.

சம்பவத்தன்று அவர் வழக்கம்போல் கைபேசியில் ரீல்ஸ் பார்த்துக்கொண்டிருந்தபோது, அப்பகுதியில் இணைய சேவை சீராக இல்லாமல் அடிக்கடி தடைபட்டது. இதனால் ரீல்ஸ் தொடர்ந்து இயங்காமல் நின்றதால் கடும் ஆத்திரமடைந்த அப்பெண், கோபத்தில் தனது கைபேசியைத் தரையில் ஓங்கி அடித்து நொறுக்கினார்.

கைபேசி உடைந்த பிறகும் ஆத்திரம் தணியாத நிலையில், அவர் வீட்டில் இருந்த பூச்சிக்கொல்லி மருந்தை அருந்தி மயங்கி விழுந்தார். இதைக்கண்ட அவரது 17 வயது மகள் உடனடியாகக் குடும்பத்தினருக்குத் தகவல் தெரிவிக்க, அவர்கள் அவரை மீட்டு மருத்துவமனைக்குக் கொண்டு சென்றனர். எனினும், தீவிர சிகிச்சை பலனின்றி அப்பெண் பரிதாபமாக உயிரிழந்தார்.