வங்கிகளுக்குக் கூட பூட்டு இல்லை… ஒரு வீட்டில் கூட கதவுகள் கிடையாதாம்… ஆச்சரியப்படுத்தும் இந்திய கிராமம்… பின்னணியில் இருக்கும் ஆன்மீக ரகசியம்…!!

மகாராஷ்டிர மாநிலம் அகமதுநகர் மாவட்டத்தில் அமைந்துள்ள சனி சிங்கனாப்பூர் கிராமம், உலகிலேயே மிகவும் தனித்துவமான மற்றும் ஆச்சரியமான ஒரு இடமாகக் கருதப்படுகிறது. இங்குள்ள வீடுகள், கடைகள், பள்ளிகள் மற்றும் வங்கிகளுக்குக் கூட கதவுகளோ அல்லது பூட்டுகளோ கிடையாது. இந்த நவீன உலகிலும் பாதுகாப்பிற்கு இவ்வளவு முக்கியத்துவம் அளிக்கப்படும் காலத்தில், பூட்டுகளே இல்லாமல் ஒரு கிராமம் இயங்குவது வியப்பைத் தருகிறது.

இந்த ஆச்சரியமான நடைமுறைக்குக் காரணம், அந்த கிராம மக்கள் அங்குள்ள சனி பகவான் மீது வைத்துள்ள அசைக்க முடியாத நம்பிக்கையாகும். சுமார் 300 ஆண்டுகளுக்கு முன்பு, அங்குள்ள பன்சனாலா ஆற்றில் அடித்து வரப்பட்ட ஒரு கருப்பு நிறக் கல்லை ஒரு மேய்ப்பர் கண்டெடுத்ததாகவும், அதிலிருந்து இரத்தம் வழிந்ததைக் கண்டு அதிர்ந்த அவருக்குச் சனி பகவான் கனவில் தோன்றி, அந்தக் கல்லே தனது வடிவம் என்றும் அதனைத் திறந்த வெளியில் வைத்து வழிபடுமாறும் கூறியதாகக் கூறப்படுகிறது. சனி பகவான் தங்களை எப்போதும் கண்காணித்துக் கொண்டிருப்பார் என்றும், தவறு செய்பவர்களுக்கு அவர் உடனடியாகத் தண்டனை வழங்குவார் என்றும் மக்கள் நம்புகிறார்கள்.

இந்த அசைக்க முடியாத நம்பிக்கையின் காரணமாக, இங்கு திருட்டு என்பது மிக மிக அரிதான ஒன்றாக உள்ளது. ஒருவேளை யாராவது திருட முயன்றால் அவர்களுக்குக் கண் பார்வை போகும் அல்லது கடுமையான துரதிர்ஷ்டம் ஏற்படும் என்பது மக்களின் நம்பிக்கை. இங்குள்ள ‘யுகோ பேங்க்’ (UCO Bank) கூட, இந்தியாவின் முதல் பூட்டு இல்லாத வங்கிக் கிளையாகத் திறக்கப்பட்டது. இன்று இக்கிராமம் ஒரு முக்கியச் சுற்றுலாத் தலமாகவும், நம்பிக்கையின் அடையாளமாகவும் விளங்கி வருகிறது.