“முடிவு உங்க கையில்”.. கொட்டுகாளி படம் ரிலீஸ் ஆவதை ஒட்டி சிவகார்த்திகேயன் வெளியிட்ட வீடியோ..!!

கொட்டுக்காளி திரைப்படம் இன்று திரையரங்குகளில் பிரம்மாண்டமாக ரிலீஸ் ஆகிறது. இந்த படத்தில் சூரி, அன்னா பென் ஆகியோர் நடித்துள்ளனர். இந்த படத்தை வினோத் ராஜ் இயக்கியுள்ளார். சிவகார்த்திகேயன் தனது எஸ்.கே ப்ரொடக்ஷன் நிறுவனம் மூலம் கொட்டுக்காளி பாடத்தை தயாரித்துள்ளார்.

கொட்டு காளி படத்தில் சூரி அண்ணன், அன்னா பென் நடிச்சுருக்காங்க. வினோத் ராஜ் இயக்கி இருக்கிறார். நிறைய இன்டர்நேஷனல் பெஸ்டிவல்ல இந்த படம் திரையிடப்பட்டுச்சு. இந்த படத்துக்கு நல்ல வரவேற்பு இருந்துச்சு. கொட்டுக்காளி படம் எல்லா படம் மாதிரி தியேட்டர்ல ரிலீஸ் ஆகணும் அப்படிங்கறது எங்களுக்கு தோணுச்சு. நம்மளுடைய மக்களும் இந்த அனுபவத்தை பாக்கணும்னு ஆசைப்பட்டோம்.

எங்களால ஒண்ணு மட்டும் சொல்ல முடியும். இந்த கதை உங்களுக்கு பழக்கப்பட்ட கதையா இருந்தாலும் இந்த திரை அனுபவம் உங்களுக்கு புதுசா இருக்கும். இந்த கதை சொல்லப்பட்ட திரை மொழி ரொம்ப புதுசா இருக்கும். ஒரு குடும்பத்தின் பயணத்தில் நடக்கிறத மிக நெருக்கமா ஆடியன்ஸுக்கு சொல்லணும்னு முயற்சி பண்ணி இருக்கோம்.

இந்த படத்தின் கதையின் முடிவை உங்ககிட்ட கொடுத்துட்டோம். இந்த படத்தை பார்த்துட்டு நீங்க என்ன சொல்ல போறீங்கன்னு தெரிஞ்சுக்க நாங்க ரொம்ப ஆர்வமா இருக்கோம். உலக சினிமா, வித்தியாசமான சினிமா அப்படின்னு நாங்க சொல்ல வரல. ஆனா இது ஒரு புது முயற்சி இந்த படத்தை நீங்க சப்போர்ட் பண்ணுவீங்கன்னு நம்புறோம் என வீடியோவில் பேசியுள்ளார்.