லைக்குகாக இப்படியா?… ஒரு நொடி தவறினாலும் அவ்ளோதான்..! நூற்றுக்கணக்கான அடி ஆழப் பள்ளத்தாக்கு… நீர்வீழ்ச்சி விளிம்பில் உயிரைப் பணயம் வைத்த பெண்… நெட்டிசென்கள் அதிர்ச்சி…!!

சமூக ஊடகங்களில் லைக்ஸ் மற்றும் வியூஸ்களுக்காக மக்கள் தங்கள் உயிரைப் பணயம் வைத்து ஆபத்தான செயல்களில் ஈடுபடுவது தற்போதைய ட்ரெண்டாக மாறியுள்ளது. அதுபோன்ற ஒரு பதறவைக்கும் வீடியோ ஒன்று தற்போது இணையத்தில் வேகமாக வைரலாகி வருகிறது. அந்த வீடியோவில், ஒரு பெண் மிக வேகமான நீர்வரத்து கொண்ட ஒரு பயங்கரமான நீர்வீழ்ச்சியின் விளிம்பில் குப்புற படுத்துக் கொண்டிருக்கிறார். ஆரம்பத்தில் சாதாரணமாகத் தெரியும் இந்த வீடியோ, கேமரா கோணம் மாறி ட்ரோன் மூலம் காட்டப்படும் போது பார்ப்பவர்களின் நெஞ்சை உலுக்கி விடுகிறது; ஏனெனில் அந்தப் பெண் படுத்திருக்கும் இடத்திற்கு நேர் எதிரே நூற்றுக்கணக்கான அடி ஆழமான மரணப் பள்ளத்தாக்கு உள்ளது.

ஆப்பிரிக்க நாடான சாம்பியாவில் உள்ள ஒரு நீர்வீழ்ச்சியில் இந்த அதிரடிச் செயல் அரங்கேறியுள்ளது. பொதுவாகப் பார்த்தாலே கால்கள் நடுங்கும் அளவுக்கு அங்கே நீரின் வேகம் மிக அதிகமாக உள்ளது. சற்றே கால் வழுக்கினாலும் நூற்றுக்கணக்கான அடி ஆழத்தில் விழுந்து உயிர் பிழைப்பதே கடினம் என்ற சூழல் நிலவுகிறது. இருப்பினும், அந்தப் பெண்ணின் முகத்தில் பயத்திற்கான எந்த அறிகுறியும் இல்லாமல் மிகவும் தைரியமாக அவர் அந்த விளிம்பில் படுத்துக் கொண்டு போஸ் கொடுத்துள்ளார். இந்த வியத்தகு வீடியோ இன்ஸ்டாகிராமில் வெளியாகி பலரது இதயத் துடிப்பையும் அதிகரிக்கச் செய்துள்ளது.

https://www.instagram.com/reel/DZ5IQ62N8oo/?utm_source=ig_web_button_share_sheet

வீடியோவில் இருக்கும் அந்தப் பெண் சாதாரணமானவர் அல்ல, அவர் ஈரானைச் சேர்ந்த பிரபல தடகள வீராங்கனை ரஜியா ஜான்பாஸ் ஆவார். ஈரானின் முதல் பெண் ஹேண்ட்பால் வீராங்கனையாக வரலாறு படைத்த அவர், விளையாட்டிலிருந்து ஓய்வு பெற்ற பிறகு தற்போது ஒரு அட்வென்ச்சர் ஆர்வலராகவும், உள்ளடக்க உருவாக்குநராகவும் இருந்து வருகிறார். இன்ஸ்டாகிராமில் 3 லட்சத்து 70 ஆயிரத்திற்கும் அதிகமான பின்தொடர்பவர்களைக் கொண்டுள்ள அவர், தனது பயணங்கள் மற்றும் உடற்பயிற்சி சார்ந்த வீடியோக்களைப் பகிர்ந்து வருகிறார். தற்போது அவர் செய்துள்ள இந்த ஆபத்தான நீர்வீழ்ச்சி சாகசம் இணையவாசிகளை வியப்பிலும் அதிர்ச்சியிலும் ஆழ்த்தியுள்ளது.