அடப்பாவி… யாருடா நீ?… என் புது காருக்கு நீங்கதான் சித்தப்பா… ஃபர்ஸ்ட் பூஜை பண்ணனும்… நகையை திருடிட்டு ஓனரையே… வண்டிக்கு பூஜை பண்ண கூப்பிட்ட திருடன்… மகாராஷ்டிராவின் நடந்த ஷாக்கிங் சம்பவம்…!

மகாராஷ்டிராவின் கோல்ஹாபூர் மாவட்டத்தில் உள்ள பன்ஹாலா தாலுகாவிற்குட்பட்ட சாத்வே கிராமத்தில் விசித்திரமான திருட்டுச் சம்பவம் ஒன்று நடந்துள்ளது. அங்கு வசிக்கும் சமர் சவான் (19) என்ற வாலிபர், தன் சித்தப்பா உமேஷ் மாருதி சவானின் வீட்டிலிருந்த சுமார் 174.96 கிராம் தங்க நகைகளைத் திருடியுள்ளார். பின்னர் அந்த நகைகளை ரூ.10 லட்சத்திற்கு விற்று, தனக்கு விருப்பமான புதிய ‘மஹிந்திரா தார்’ காரை வாங்கியுள்ளார்.

கார் வாங்கிய மகிழ்ச்சியில், தான் நகை திருடிய அதே சித்தப்பாவை அழைத்து புதிய வாகனத்திற்குப் பூஜை செய்யுமாறு சமர் அழைப்பு விடுத்துள்ளார். பூஜைக்காக அணிந்து செல்ல நகையைத் தேடியபோதுதான், தன் வீட்டில் இருந்த தங்கம் மாயமானது உமேஷுக்குத் தெரியவந்தது. அதேநேரத்தில், சமர் திடீரெனப் புதிய ஆடம்பரக் கார் வாங்கியது உறவினர்களிடையே சந்தேகத்தை ஏற்படுத்தியது.

https://x.com/ndtv/status/2114263948446896509/video/1

இதுகுறித்து கொடோலி காவல் நிலையத்தில் உமேஷ் புகார் அளித்ததைத் தொடர்ந்து, காவல்துறையினர் தீவிர விசாரணை நடத்தினர். விசாரணையில் சமர் சவான் தன் தப்பொப்பத்தை ஒப்புக்கொண்டார். இதையடுத்து, நகை திருடிய சமர் சவானையும், அந்தத் திருட்டு நகையை வாங்கிய நகைக்கடை உரிமையாளர் சங்கிராம் மோரே என்பவரையும் காவல்துறையினர் கைது செய்து விசாரணை நடத்தி வருகின்றனர்.