பெட்ரோல் பங்குகளில் எரிபொருள் நிரப்பி முடிந்தவுடன், பணத்தைச் செலுத்தியதும் அவசரத்தில் வாகனத்தை உடனே இயக்கும் வழக்கம் பல டிரைவர்களிடம் உள்ளது. ஆனால், இந்தச் சிறு அவசரம் அங்கு பணிபுரியும் ஊழியர்களின் உயிருக்கே ஆபத்தாக முடியக்கூடும். திருச்சூர், கஞ்சனி பகுதியில் உள்ள பெட்ரோல் பங்கில், எரிபொருள் நிரப்பப்பட்டுக்கொண்டிருந்தபோதே கார் முன்னோக்கி நகர்ந்ததால், இரு ஊழியர்கள் காயமடைந்த கொடூர சம்பவம் CCTV-யில் பதிவாகி பெரும் அதிர்ச்சியை ஏற்படுத்தியுள்ளது.
நாம் பணத்தை செலுத்திவிட்டாலும் அல்லது டேங்க் முழுமையாக நிரம்பிவிட்டாலும், எரிபொருள் நிரப்பும் குழாய் வாகனத்திலிருந்து பாதுகாப்பாக வெளியே எடுக்கப்பட்டு, டேங்கின் மூடி சரியாக மூடப்பட்டுள்ளதா என்பதை உறுதிப்படுத்துவது மிக அவசியமாகும். அதுவரை வாகனத்தை நகர்த்தாமல் காத்திருப்பதே நமக்கும், அங்கு வேலை செய்பவர்களுக்கும் பாதுகாப்பானது.
https://twitter.com/AbhishekJalan26/status/2107788023576297786/video/1
எனவே, பெட்ரோல் பங்கில் எரிபொருள் நிரப்பிய பிறகு ஊழியர் நமக்கு ‘சரி’ எனச் சைகை காட்டும் வரை காத்திருந்து வாகனத்தை இயக்குகிறீர்களா? உங்கள் பதிலைக் கமெண்ட்டில் பதிவிடுங்கள். மற்ற டிரைவர்களுக்கும் விழிப்புணர்வு ஏற்படுத்த இந்தத் தகவலைப் பகிருங்கள்.