சமூக ஊடகங்களில் ஒரு பயங்கரமான சாலை விபத்தின் வீடியோ வேகமாக வைரலாகி வருகிறது. அந்த வீடியோவில், கிட்டத்தட்ட ஆள் நடமாட்டமில்லாத ஒரு வெறிச்சோடிய சாலையில் இளைஞர் ஒருவர் மிக அதிவேகமாக மோட்டார் சைக்கிளை ஓட்டிச் செல்கிறார். அப்போது, எதிர்பாராதவிதமாக ஒரு நாய் சாலையைக் கடக்க முயல்கிறது. பைக் மிக அதிவேகத்தில் இருந்ததால், பைக்கை ஓட்டிய இளைஞரால் அதைக் கட்டுப்படுத்தவோ அல்லது பிரேக் பிடிக்கவோ முடியாமல் போனதால், அந்த நாயின் மீது பைக் பயங்கர மோதியது.
இந்த மோதலின் தாக்கம் எவ்வளவு கொடூரமாக இருந்தது என்றால், மோதிய வேகத்தில் பைக்கை ஓட்டி வந்த இளைஞரும் அந்த நாயும் சாலையில் வெகுதூரம் தூக்கி வீசப்பட்டு இழுத்துச் செல்லப்பட்டனர். பைக் கட்டுப்பாட்டை இழந்து சாலையில் சறுக்கி விழுவதைக் காணும்போதே இந்த விபத்தின் தீவிரம் புரிகிறது. வீடியோவைப் பார்க்கும் நெட்டிசன்கள், வெறிச்சோடிய சாலையில் இவ்வளவு அதிவேகமாக செல்ல வேண்டிய அவசியம் என்ன என்று கேள்வி எழுப்பி அதிர்ச்சி அடைந்துள்ளனர்.
இந்த வீடியோ ‘X’ தளத்தில் பகிரப்பட்டதைத் தொடர்ந்து, சாலை பாதுகாப்பு குறித்த விவாதங்கள் சமூக வலைத்தளங்களில் எழுந்துள்ளன. ஆயிரக்கணக்கான மக்கள் இந்த வீடியோவைப் பார்த்து தங்களது கருத்துக்களைப் பகிர்ந்து வருகின்றனர். குறிப்பாக, அந்த இளைஞர் ஹெல்மெட் அணிந்திருந்ததால் மட்டுமே பெரும் உயிர்ச்சேதம் தவிர்க்கப்பட்டதாகவும், இல்லையெனில் இந்த விபத்து இன்னும் மோசமான ஒன்றாக முடிந்திருக்கும் என்றும் நெட்டிசன்கள் கருத்து தெரிவித்து, ஹெல்மெட்டின் முக்கியத்துவத்தை வலியுறுத்தியுள்ளனர்.