படுகாட்டில் நடந்த ஒரு நெகிழ்ச்சியான சம்பவத்தில், மேற்குவங்க மாநிலம் குர்சியோங் பகுதியில் தாயிடமிருந்து பிரிந்த யானைக் குட்டி ஒன்று, வனத்துறையினரின் 7 மணி நேர தீவிர தேடுதலுக்குப் பிறகு மீண்டும் தன் தாயுடன் சேர்ந்தது. தாய் யானையும் அதன் குட்டியும் எதிர்பாராதவிதமாக தண்ணீர் தொட்டி ஒன்றில் விழுந்ததை அடுத்து, வனத்துறையினர் அவர்களை மீட்கும் பணியில் ஈடுபட்டனர். இந்த மீட்பு நடவடிக்கையின் போது தாயும் குட்டியும் ஒன்றையொன்று பிரிந்துவிட்டன.
குட்டியைக் காப்பாற்றி அதன் தாயுடன் சேர்க்க வேண்டும் என்ற நோக்கில் களமிறங்கிய வனத்துறை அதிகாரிகள், சுற்றியுள்ள பகுதிகளில் 7 மணி நேரம் தொடர்ந்து தேடுதல் வேட்டையில் ஈடுபட்டனர். இறுதியில், தன் குட்டியைத் தேடி யானைக்கூட்டத்துடன் தாய் யானை திரும்பி வந்தது. இந்த நெகிழ்ச்சியான தருணம் வனத்துறை அதிகாரிகளின் கேமராவில் பதிவாகி இணையத்தில் வைரலானது.
இந்திய வனப்பணி அதிகாரியான பிரவீன் காஸ்வான் இந்த நெகிழ்ச்சியான வீடியோவை சமூக வலைத்தளத்தில் பகிர்ந்துள்ளார். வனத்துறையினரின் இந்த அர்ப்பணிப்பான பணியைப் பாராட்டிய அவர், இது போன்ற கடினமான மீட்புப் பணிகளை “கடவுளின் பணி” என்று வர்ணித்துள்ளார். தாயும் குட்டியும் வெற்றிகரமாக இணைந்த இந்த வீடியோ பலரின் இதயங்களைக் கவர்ந்துள்ளது.