தமிழக வெற்றிக் கழகத் தலைவர் விஜய் முதல்வரான பிறகு வெளியிட்ட முதல் அரசாணை மீதான விமர்சனங்கள் தற்போது சமூக வலைதளங்களில் புயலைக் கிளப்பியுள்ளன. தேர்தல் வாக்குறுதியில் “மாதந்தோறும் 200 யூனிட் இலவச மின்சாரம்” என்று அறிவித்துவிட்டு, தற்போது நடைமுறையில் “இரண்டு மாதங்களுக்கு 200 யூனிட்” (அதாவது மாதம் 100 யூனிட் மட்டுமே) என அரசாணை வெளியிட்டிருப்பது பொதுமக்களை ஏமாற்றும் செயல் என திமுகவினர் மற்றும் நெட்டிசன்கள் கடுமையாகச் சாடி வருகின்றனர்.
மாதந்தோறும் மின் கணக்கீடு செய்யும் முறையை அமல்படுத்தி, ஒவ்வொரு மாதத்திற்கும் தலா 200 யூனிட் இலவசம் வழங்க வேண்டும் என்ற கோரிக்கை வலுத்து வரும் நிலையில், “சொன்னது ஒன்று செய்தது இன்னொன்று” என விஜய்யின் முதல் கையெழுத்தே அரசியல் ரீதியாகப் பெரும் விவாதப் பொருளாக மாறியுள்ளது.