பொள்ளாச்சியை சேர்ந்தவர் புகைப்பட கலைஞர் சந்தோஷ். இவருக்கு மூளையில் ஏற்பட்ட பிரச்சினையின் காரணமாக அறுவை சிகிச்சை ஒன்று செய்யப்பட்ட வேண்டியது இருந்தது. இதனையடுத்து அறுவைசிகிச்சை செய்தபோது சிகிச்சை பலனின்றி உயிரழந்தார். இதனால் அதிர்ச்சி அடைந்த அவருடைய பெற்றோர் மகனை மறக்க முடியாத பெரும் சோகத்தில் இருந்தாலும், மறுப்பக்கம் ஒரு நல்ல முடிவை எடுத்துள்ளார்கள்.
அதாவது சந்தோஷின் உடல் உறுப்புகளை தானமாக வழங்கி உள்ளார்கள். இதனால் அவருடைய உடல் அரசு மரியாதையோடு தகனம் செய்ய ப்பட்டுள்ளது. அவருடைய இதயம், கல்லீரல், கண்கள், சிறுநீரகம், நுரையீரல், கணையம் ஆகிய உறுப்புகள் தானமாக வழங்கப்பட்டுள்ளது. இதன் மூலமாக ஏழு பேருக்கு மறுவாழ்வு கிடைக்க உள்ளது. இறந்தும் பலருக்கும் வாழ்வளித்து உள்ளார் புகைப்பட கலைஞர் சந்தோஷ்.