“என் மகளுக்கு சுதந்திரம் தான் முக்கியம்…!” கல்யாண மேடையில் மணமகனின் அராஜகம்… திருமணத்தையே நிறுத்திய மாஸ் தந்தை…!”

ஆந்திர மாநிலம் மார்க்கபுரம் அருகே உள்ள ரச்சார்லா மண்டலம் சின்னகனிபள்ளி கிராமத்தைச் சேர்ந்த வாலிபருக்கும், துரிமெல்லா பகுதியைச் சேர்ந்த பெண்ணுக்கும் திருமணம் நிச்சயிக்கப்பட்டிருந்தது. திருமண நிகழ்வின் போது, உறவினர்களின் வேண்டுகோளுக்கு இணங்க மணப்பெண் மகிழ்ச்சியாக நடனமாடினார். ஆனால், மணப்பெண் நடனம் ஆடக்கூடாது என்று மணமகன் எல்லோர் முன்னிலையிலும் ஆக்ரோஷமாகக் கோபப்பட்டு, அவரைத் தடுத்து நிறுத்தினார்.

மணமகனின் இந்த ஆதிக்கப் போக்கைக் கண்டு மணமகளின் தந்தை கடும் அதிர்ச்சியடைந்தார். “கல்யாணத்துக்கு முன்பே பொதுவெளியில் என் மகளின் சுதந்திரத்தைக் கட்டுப்படுத்தி, இப்படி ஆதிக்கம் செலுத்த நினைப்பவர், திருமணத்திற்குப் பிறகு அவளது வாழ்க்கையை எப்படி நடத்துவார்?” என்று அவர் சிந்தித்தார். தன் மகளின் எதிர்கால வாழ்க்கையை நல்வழியில் சிந்தித்த அவர், திருமணத்தை துணிச்சலாக நிறுத்த முடிவு செய்தார்.

இதனைத் தொடர்ந்து, இரு குடும்பத்தினருக்கும் இடையே சமாதானப் பேச்சுவார்த்தை நடத்தப்பட்டது. இருப்பினும், திருமணத்திற்கு முன்பே பெண்ணின் உரிமைகளைப் பறிக்கும் நபருக்குத் தன் மகளைத் திருமணம் செய்து தர முடியாது என்பதில் மணமகள் வீட்டார் உறுதியாக இருந்தனர். மகளின் சுயமரியாதை மற்றும் எதிர்கால நலனே முக்கியம் எனக் கருதி, அந்தத் திருமணத்தை அவர்கள் முற்றிலும் ரத்து செய்தனர்.