“பெண்கள் மேல் கையை வைத்து” ரயிலில் புர்கா அணிந்து மாறுவேடத்தில் சென்ற ஆண்… பாலியல் தொல்லை கொடுக்க முயன்றதால் அதிர்ச்சி..!!

மும்பை மத்திய ரயில்வேயின் காட்கோபர் ரயில் நிலையம் அருகே, பட்டப்பகலில் புர்கா அணிந்து மாறுவேடத்தில் வந்த நபர் ஒருவர் பெண்களுக்கு மட்டுமேயான பெட்டியில் நுழைந்து பயணிகளைத் துன்புறுத்த முயன்ற சம்பவம் பெரும் பரபரப்பை ஏற்படுத்தியுள்ளது. சத்ரபதி சிவாஜி மகாராஜ் முனையத்தை (CSMT) நோக்கிச் சென்ற அந்த ரயிலில், சந்தேகத்திற்கிடமான வகையில் இருந்த அந்த நபரை பெண் பயணிகள் தடுத்து நிறுத்தி கேள்வி எழுப்பினர். அப்போது அவர் பெண்களை தவறான முறையில் தொட முயன்றதாகவும், செல்போனில் படம் பிடிக்க முயன்றதாகவும் கூறப்படுகிறது. பயணிகள் அவரைப் பிடிக்க முயன்றபோது, ரயில் காட்கோபர் நிலையத்தை நெருங்கிய வேளையில் ஓடும் ரயிலில் இருந்து குதித்து, தண்டவாளங்கள் வழியாக ஓடி மற்றொரு பிளாட்பாரத்தில் நின்ற கர்ஜத் நோக்கிய ரயிலில் ஏறி தப்பிச் சென்றார்.