“செல்போனை பிடுங்கி சித்திரவதை…” 2 பிள்ளைகளை தவிக்க விட்டு தாய் எடுத்த விபரீத முடிவு… கதறும் குடும்பத்தினர்…!!

பெலகாவியில் உள்ள ஜோதி நகரில் வசித்து வந்த 28 வயதான ஸ்ரீநிதி என்ற இளம் தாய், வரதட்சணை கொடுமை மற்றும் குடும்பத் தகராறு காரணமாகத் தனது வாழ்க்கையை முடித்துக் கொண்ட சம்பவம் பெரும் சோகத்தை ஏற்படுத்தியுள்ளது. கடந்த 2021-ஆம் ஆண்டு சந்தோஷ் என்பவருடன் திருமணமான இவருக்கு இரண்டு குழந்தைகள் உள்ளனர். ஸ்ரீநிதியின் கணவர் மற்றும் அவரது குடும்பத்தினர் கூடுதல் வரதட்சணை கேட்டு அவரைத் தொடர்ந்து மனரீதியாகவும், உடல்ரீதியாகவும் சித்திரவதை செய்ததாகக் கூறப்படுகிறது. மேலும், தனது பெற்றோருடன் பேச முடியாதபடி ஸ்ரீநிதியின் செல்போனையும் அவரது கணவர் பறித்து வைத்துள்ளார்.

தொடர் சித்திரவதையால் மனமுடைந்த ஸ்ரீநிதி, கடந்த சனிக்கிழமை தனது வீட்டின் ஜன்னல் கம்பியில் தூக்கிட்டுத் தற்கொலை செய்துகொண்டார். இது குறித்து அவரது பெற்றோர் அளித்த புகாரின் பேரில், ஸ்ரீநிதியின் கணவர், மாமியார் உள்ளிட்ட நான்கு உறவினர்கள் மீது வரதட்சணை கொடுமை சட்டத்தின் கீழ் காவல்துறையினர் வழக்குப் பதிவு செய்துள்ளனர். தற்போது ஸ்ரீநிதியின் கணவர் சந்தோஷை கைது செய்துள்ள ஏபிஎம்சி (APMC) போலீசார், அவரிடம் தீவிர விசாரணை நடத்தி வருகின்றனர். மகிழ்ச்சியாக இருக்க வேண்டிய ஒரு குடும்பம் வரதட்சணை ஆசையால் சிதைந்து போனது அப்பகுதி மக்களிடையே கடும் அதிர்ச்சியை உண்டாக்கியுள்ளது.