உத்தரப் பிரதேசத்தைச் சேர்ந்த சலீம் என்பவர் உயிரிழந்த நிலையில் கிடந்த ஒரு பாம்பைக் கண்டெடுத்தார். அது மிகவும் ஆபத்தான வீரியமிக்க விஷத்தன்மை கொண்ட ஒரு பாம்பு வகையாகும். சலீம் அந்தப் பாம்பை வைத்து சமூக ஊடகங்களில் வெளியிடுவதற்காக ஒரு ‘ரீல்ஸ்’ (Reel) வீடியோ எடுக்க முடிவு செய்தார். அதன்படி, அந்த விஷப் பாம்பின் வாயைத் தனது வாய்க்குள் வைத்து, பல நிமிடங்களுக்குப் பிறகு வெளியே எடுக்கும் ஆபத்தான செயலைச் செய்துள்ளார். இதனை அவர் ஒருமுறை மட்டுமல்லாமல், வீடியோவிற்காகப் பலமுறை தொடர்ந்து செய்ததாகக் கூறப்படுகிறது.
https://twitter.com/hindipatrakar/status/2070405988793102832/video/1
பாம்பு இறந்திருந்த போதிலும், அதன் உடலில் இருந்த வீரியமிக்க விஷம் சலீமின் வாய்க்குள் பரவியுள்ளது. இதனால் விஷம் உடலில் ஏறி, சலீமின் உடல்நிலை மிகக் கடுமையான முறையில் பாதிக்கப்பட்டது. தற்போது அவர் உயிருக்கு ஆபத்தான நிலையில், தீவிர சிகிச்சைக்காக மருத்துவமனையில் அனுமதிக்கப்பட்டு சிகிச்சை பெற்று வருகிறார். சமூக ஊடக மோகத்தால் உயிருக்கே ஆபத்தான வகையில் சலீம் செய்த இந்தச் செயல் அப்பகுதியில் பெரும் அதிர்ச்சியை ஏற்படுத்தியுள்ளது.