வேலூர் மாவட்டம் பள்ளிகொண்டா அருகே உள்ள காட்டுக்கொல்லை கிராமத்தில், குடும்பத் தகராறு காரணமாக மனைவியை மின்சாரம் பாய்ச்சிக் கொலை செய்த கணவனைப் போலீசார் கைது செய்துள்ளனர். கருணாகரன் என்பவர் தனது மனைவி கலையரசியின் நடத்தையில் சந்தேகம் கொண்டு, கடந்த டிசம்பர் 30-ஆம் தேதி நள்ளிரவு அவர் தூங்கிக் கொண்டிருந்தபோது மின்சாரத்தை உடலில் பாய்ச்சி கொடூரமாகக் கொலை செய்துள்ளார்.
கொலை செய்த பின்னர், தனது மனைவி உடல்நலக்குறைவால் இயற்கையாக மரணமடைந்ததாகக் கூறி கருணாகரன் நாடகமாடியுள்ளார். இருப்பினும், கலையரசியின் மரணத்தில் மர்மம் இருப்பதாகக் கூறி அவரது பெற்றோர் அளித்த புகாரின் பேரில் போலீசார் தீவிர விசாரணை நடத்தினர். இறுதியில், கருணாகரன் தனது குற்றத்தை ஒப்புக்கொண்டதைத் தொடர்ந்து, அவரைப் போலீசார் கைது செய்து சிறையில் அடைத்தனர்.