சிரித்த முகத்துடன் பள்ளிக்குச் சென்ற சிறுமி, பிணமான தாயும் மகளும்… சென்னையில் உறையவைக்கும் விபத்து… அதிர்ச்சித் தகவல்கள்…!!!

சென்னையை அடுத்த பெரும்பாக்கத்தில் நிகழ்ந்த கோர சாலை விபத்தில், பள்ளிக்குச் சென்ற தாயும் மகளும் லாரி மோதி சம்பவ இடத்திலேயே உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. பெரும்பாக்கத்தைச் சேர்ந்த 35 வயது லாவண்யா, எட்டாம் வகுப்பு படிக்கும் தனது மகள் இனியாவை இருசக்கர வாகனத்தில் பள்ளிக்கு அழைத்துச் சென்றார்.

அப்போது முன்னால் சென்ற கனரக லாரியை முந்திச் செல்ல முயன்றபோது, எதிர்பாராதவிதமாக இருசக்கர வாகனம் நிலைதடுமாறி இருவரும் கீழே விழுந்தனர். அதே வேகத்தில் வந்த லாரியின் பின் சக்கரம் அவர்கள் மீது ஏறி இறங்கியதில், இருவரும் உடல் நசுங்கி பரிதாபமாக உயிரிழந்தனர்.

மேலும் தகவலறிந்து வந்த பள்ளிக்கரணை போக்குவரத்து புலனாய்வுப் பிரிவு போலீசார், உயிரிழந்தவர்களின் உடல்களைக் கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இந்த விபத்து குறித்து வழக்குப் பதிவு செய்துள்ள போலீசார், லாரி ஓட்டுநரைப் பிடித்து தீவிர விசாரணை மேற்கொண்டு வருகின்றனர்.

இந்நிலையில் காலை நேர நெரிசலில் கனரக வாகனங்களின் நடமாட்டமும், சாலைப் பாதுகாப்பின்மையும் இத்தகைய விபத்துகளுக்குக் காரணமாக அமைவதாகப் பொதுமக்கள் குற்றம் சாட்டியுள்ளனர். புன்னகையுடன் பள்ளிக்குச் சென்ற சிறுமி தன் தாயுடன் விபத்தில் சிக்கி உயிரிழந்தது அப்பகுதி மக்களை நிலைகுலையச் செய்துள்ளது.